Kala biełaruskaj ambasady ŭ Stakholmie 25 listapada prajšoŭ pikiet u padtrymku Alesia Bialackaha. Šviedzkaja pravaabarončaja arhanizacyja Ostgruppen ładziła akcyju supolna z arhanizacyjami Civil Rights Defenders, «Mižnarodnaja amnistyja», Svenska Freds i SILC. Udzielniki akcyi patrabavali nieadkładnaha i biezumoŭnaha vyzvaleńnia Alesia Bialackaha i inšych palitviaźniaŭ u Biełarusi. U svaim vystupie staršynia Ostgruppen Marcin Uhła, miž inšym, skazaŭ: «My viedajem, što Aleś Bialacki nie złačynca, a naadvarot, mužny zmahar za pravy čałavieka. My viedajem, što sud nad Bialackim byŭ sapraŭdnym farsam. I my viedajem, kaho nasamreč tre było b pasadzić na łavu padsudnych».
Supracoŭniki ambasady prykmiecili akcyju i vyklikali palicyju, kab jaje razahnać. Adnak, kali palicyjanty pryjechali, jany kanstatavali, što pikiet mirny i nie pabačyli patreby jaho spynić.
