Novy hałoŭny trenier FK «Dynama» (Minsk) Alaksandr Siadnioŭ pačnie pracavać 1 śniežnia, paviedamiła pres-słužba kłuba.
Siadnioŭ, jaki ŭ hetym siezonie treniravaŭ babrujskuju «Biełšynu», naviedaje matčy dynamaŭskaha mini-turniru, jaki startuje 30 listapada ŭ staličnym futbolnym maniežy. 12 śniežnia Siadnioŭ adpravicca na tydniovuju stažyroŭku ŭ italjanski «Juvientus». Kampaniju Siadniovu składuć Siarhiej Paŭlukovič (hałoŭny trenier dubla), Anatol Šklar (hałoŭny trenier «Dynama-2»), Andrej Pyšnik (trenier «Dynama» 1995 h.r.), a taksama trenier pa navukova-mietadyčnaj pracy Rehina Zimnickaja.
U prahramie znachodžańnia dynamaŭskaj delehacyi ŭ Italii naviedvańnie vučebna-trenirovačnaj bazy «Juvientusa», aznajamleńnie z trenirovačnym pracesam, sustrečy z trenierskim štabam i kiraŭnictvam italjanskaj kamandy. 18 śniežnia treniery «Dynama» naviedajuć matč čempijanatu Italii pamiž «Juvientusam» i «Navaraj».
Siadnioŭ — 25-y trenier «Dynama» z kanca 1999 hoda, kali staršyniom naziralnaha savieta staŭ biźniesmien Juryj Čyž. 24-m byŭ rasijski śpiecyjalist Siarhiej Aŭčyńnikaŭ, pad kiraŭnictvam jakoha kamanda zaniała čaćviortaje miesca ŭ čempijanacie.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
