Adpaviednaje rašeńnie ŭchvalena siońnia na siesii Minskaha haradskoha Savieta deputataŭ.
Jak paviedamiŭ načalnik Minskaj haradskoj ziemleŭparadkavalnaj i hieadezičnaj słužby Andrej Damaracki,
u miežy horada płanujecca ŭklučyć ziamielny masiŭ Zialony bor u rajonie vioski Kałodziščy (nie samu viosku Kałodziščy)Minskaha rajona i były vajenny palihon.
Aformleny adpaviednyja ziemleŭparadkavalnyja materyjały. Płošča ziamielnaha ŭčastka, što dałučajecca da stalicy, składaje 4 tys.ha. Na im raźmieščana 50 ziemlekarystalnikaŭ i arandataraŭ. U budučym na hetaj terytoryi płanujecca aktyŭnaje budaŭnictva šmatpaviarchovych i siadzibnych žyłych damoŭ.
Heta pytańnie padrychtavana ŭ adpaviednaści z daručeńniem Łukašenki razhledžana na pasiadžeńniach Minharvykankama i pastajannaj kamisii harsavieta, skazaŭ Andrej Damaracki. «Prapanujecca prasić Saviet Ministraŭ unieści prapanovu prezidenta ab źmianieńni miežaŭ Minska, uklučyŭšy ŭ skład ziamiel horada ziamielnyja ŭčastki płoščaj 4 tys.ha», — dadaŭ načalnik Minskaj haradskoj ziemleŭparadkavalnaj i hieadezičnaj słužby.
