«Pazicyja pa śmiarotnym pakarańni dobra viadomaja — heta ahulnakrainavaja pazicyja, i tut niejkija dadatkovyja kamientary nie patrabujucca»,— zajaviŭ
Nahadajem, hienieralny sakratar Rady Jeŭropy Turbjorn Jahłand zaklikaŭ biełaruskija ŭłady admianić śmiarotny pryhavor Dźmitryju Kanavałavu i Uładzisłavu Kavalovu. «Złačynstva, u jakim jany pryznanyja vinavatymi, było varvarskim, ale ich pakarańnie nie pavinna stać takim ža. Biełaruś — adzinaja kraina ŭ Jeŭropie, dzie ŭsio jašče karajuć śmierciu ludziej. Ja zaklikaju ŭłady nieadkładna ŭvieści maratoryj na prymianieńnie hetaj vyšejšaj miery pakarańnia. Achviary i siemji tych, chto paciarpieŭ 11 krasavika, zasłuhoŭvajuć pravasudździa, a nie pomsty», — padkreśliŭ Jahłand.
Savinych nie staŭ adkazvać na pytańnie pra toje, jak paŭpłyvaje rašeńnie biełaruskaha suda na adnosiny z Parłamienckaj asamblejaj Rady Jeŭropy, umovaj viartańnia ŭ jakoj statusu śpiecyjalnaha zaprošanaha dla Biełarusi źjaŭlajecca admiena śmiarotnaha pakarańnia abo ŭviadzieńnie na jaho maratoryja.
Varta zaznačyć, što rasstrelny pryhavor Viarchoŭnaha suda Biełarusi asudzili taksama Jeŭrasajuz i inšyja mižnarodnyja struktury. U ich zajavach asabliva padkreślivałasia: Biełaruś zastajecca adzinaj krainaj, dzie dahetul prymianiajecca śmiarotnaje pakarańnie.