Japonski aŭtavytvorca Honda adklikaje 304 tys. aŭtamabilaŭ pa ŭsim śviecie praz defiekty paduški biaśpieki, jakija mohuć pryvieści da ciažkich kalectvaŭ abo navat śmierci,paviedamili siońnia pradstaŭniki kampanii. Adklikańnie zakranie takija aŭtamabili, jak Accord, Civic, Odyssey, Pilot i niekalkich inšych madelaŭ, vyrablenych u 2001 i 2002 h.
Da ciapierašniaha času było zafiksavana ŭžo 20 incydentaŭ, źviazanych z dadzienaj prablemaj. Praz defiekty paduški biaśpieki ŭ aŭtamabilach Honda ŭ 2009 u ZŠA zahinuli dva čałavieki, pieradaje Associated Press.
Asnoŭnaja častka (273 tys. aŭtamašyn) budzie adklikanaja z amierykanskaha rynku, 27 tys. — z kanadskaha, kala 4 tys. — ź japonskaha i inšych rynkaŭ.
Prablemy z paduškami biaśpieki ŭźnikajuć u Honda daloka nie ŭpieršyniu: pačynajučy z 2008 u roznych krainach było adklikana kala 2 młn mašyn kampanii. Adnak pradstaŭniki kancerna zapeŭnivajuć, što dalejšych adklikańniaŭ aŭtamabilaŭ u suviazi z hetaj prablemaj nie čakajecca.
Honda — treci pa vieličyni vytvorca aŭtamabilaŭ u Japonii i adzin z najbujniejšych japonskich eksparcioraŭ aŭtamabilaŭ u ZŠA i inšyja krainy.
