U Minsku maci Kavalova žyvie ŭ siamji paciarpiełych ad terakta 33
Luboŭ i Taćciana Kavalovy praviali pres-kanfierencyju ŭ Varšavie.
Sčarniełaja mama Kavalova spadziajecca tolki na litaść.
Pres-kanfierencyja prajšła 4 śniežnia ŭ Biełaruskim domie. Jana była pryśviečanaja niadaŭna abvieščanamu prysudu Uładzisłava Kavalova i Dźmitryja Kanavałava da śmiarotnaha pakarańnia za terakty ŭ Biełarusi.
Udzieł u pres-kanfierencyi pryniali Luboŭ i Taćciana Kavalovy — maci i siastra Uładzisłava Kavalova. Prysutničali taksama pravaabaronca Ludmiła Hraznova i pradstaŭnik Biełsata Alaksiej Dzikavicki.
Niahledziačy na vychodny dzień, pres-kanfierencyja vyklikała vialikuju cikavaść siarod polskich žurnalistaŭ. Svajaki Kavalova čarhovy raz zajavili, što nie vierać u vinavataść ni Uładzisłava, ni Dźmitryja Kanavałava. Jany zaklikali padpisacca ŭ internecie pad pietycyjaj u abaronu asudžanych.
Na pytańnie žurnalistaŭ čamu ŭ kampanii suprać śmiarotnaha prysudu da hetaha času nie biaruć udzieł svajaki Kanavałava, Luboŭ Kavalova adkazała, što chutčej za ŭsio na ich akazvaŭsia psichałahičny cisk z boku pravaachoŭnych orhanaŭ. Akramia taho za hety čas maci Kanavałava pieraniesła sardečny prystup.
Pakolki abskardžańniu prysud nie padlahaje, u Kavalovych zastałasia tolki adna nadzieja — na pamiłavańnie Łukašenki.
U Minsku ž Kavalovy spynilisia ŭ siamji paciarpiełych padčas teraktu, dadaje Polskaje radyjo dla zamiežža. Paciarpiełyja sami prapanavali joj spynicca ŭ ich kvatery. Heta zusim nie zvyčajny žest.
