delfi.lt
Razam ź jeŭrapiejskimi partniorami my budziem praciahvać rabić usio mahčymaje suprać režymu Łukašenki. Ja maju na ŭvazie sankcyi i zabaronu na pieramiaščeńnie», — zajaviła dziaržsakratar ZŠA Chiłary Klintan 6 śniežnia ŭ Vilni na sustrečy z delehacyjaj biełaruskaj apazicyi.
Jak paviedamiła ŭdzielnica sustrečy, redaktar sajta charter97.org Natalla Radzina, u składzie delehacyi byli pravaabaroncy Valancin Stefanovič i Taćciana Raviaka, staršynia Biełaruskaha Chielsinkskaha kamiteta Aleh Hułak, kiraŭnik rabočaj hrupy Asamblei niaŭradavych arhanizacyj Siarhiej Mackievič, staršynia Biełaruskaj asacyjacyi žurnalistaŭ (BAŽ) Žanna Litvina, dyrektar Biełaruskaha doma pravoŭ čałavieka ŭ Vilniusie Hanna Hierasimava. Na sustrečy taksama pavinna była prysutničać viarchoŭny pradstaŭnik ES pa źniešniaj palitycy Ketryn Eštan, adnak jana prybyła ŭ stalicu Litvy sa spaźnieńniem.
«Dla mianie vialiki honar sustrecca z vami, — skazała Klintan. — Niama bolš ciažkaj pracy, čym toje, što vy robicie, što vy sprabujecie pabudavać demakratyju ŭ svajoj krainie.
My viedajem, što minuły hod byŭ vielmi ciažkim dla naroda Biełarusi. My viedajem, što kožny dzień adbyvajucca aryšty, prymajucca represiŭnyja zakony, źviedvajuć pieraśled aktyvisty hramadzianskaj supolnaści.My praciahvajem zaklikać da nieadkładnaha i biezumoŭnaha vyzvaleńnia palitźniavolenych. Heta bolš za 50 čałaviek, jakija znachodziacca ŭ turmie abo tak ci inakš abmiežavany ŭ svabodzie».
Natalla Radzina, jakaja źjaŭlajecca fihurantam kryminalnaj spravy ab masavych biesparadkach u Minsku 19 śniežnia 2010 hoda i atrymała palityčny prystanak u Litvie, pačała vystupleńnie z asabistaj historyi, akcentavaŭšy ŭvahu na stanoviščy palitźniavolenych i zaklikaŭšy ZŠA zrabić usio mahčymaje, kab Jeŭrasajuz uvioŭ ekanamičnyja sankcyi suprać režymu Łukašenki.
«Siońnia ŭ biełaruskich turmach praciahvajuć znachodzicca 15 palitźniavolenych, uklučajučy dvuch kandydataŭ u prezidenty — Andreja Sańnikava i Mikałaja Statkieviča, — zajaviła Radzina. —
Nam nieabchodna ratavać hetych ludziej z turmaŭ lubym koštam.Isnuje realnaja pahroza žyćciu kandydata ŭ prezidenta Andreja Sańnikava i lidara Maładoha frontu Źmitra Daškieviča. Ich siońnia praciahvajuć katavać i žorstka abychodzicca ź imi. Kaardynatar hramadzianskaj kampanii «Jeŭrapiejskaja Biełaruś» Źmicier Bandarenka moža stać invalidam. Jon pieranios ciažkuju apieracyju na pazvanočniku i chodzić siońnia ŭ turmie na mylicach».
«Pazicyja ZŠA ŭ dačynieńni da režymu Łukašenki siońnia adzinaja pravilnaja i maralnaja. Ale nieabchodna, kab da ekanamičnych sankcyj suprać režymu dałučyŭsia Jeŭrasajuz. Dla hetaha Jeŭropie nieabchodna admovicca ad kupli biełaruskich naftapraduktaŭ. Hetyja hrošy iduć na ŭtrymańnie dyktatury i jaje represiŭnaha aparatu. Pazicyja ES i ZŠA pavinna być adzinaj i mocnaj. ZŠA pavinny vykarystać usie svaje ryčahi ŭpłyvu, kab Jeŭrasajuz taksama ŭvioŭ realnyja, a nie simvaličnyja ekanamičnyja sankcyi», — skazała Radzina.
Taćciana Raviaka spyniłasia na situacyi z advakatami ŭ Biełarusi, u jakich adbirajuć licenzii. Pavodle jaje słoŭ, represii suprać advakataŭ pazbaŭlajuć biełarusaŭ prava na abaronu. Paśla aryštu Alesia Bialackaha biełaruskija pravaabaroncy sami majuć patrebu ŭ abaronie, pad pahrozaj likvidacyi apynuŭsia i Biełaruski Chielsinkski kamitet — apošniaja aficyjna zarehistravanaja biełaruskaja pravaabarončaja arhanizacyja.
Raviaka paviedamiła Klintan, što ŭ Biełarusi pryniaty represiŭnyja zakony, jakija faktyčna zabaraniajuć praviadzieńnie lubych akcyj pratestu i akazańnie zamiežnaj dapamohi hramadskim arhanizacyjam.
Staršynia BAŽ Žanna Litvina zajaviła, što
Valancin Stefanovič vykazaŭ zaniepakojenaść pierśpiektyvaj stvareńnia Jeŭrazijskaha sajuza i aktyŭnaj padtrymkaj Alaksandram Łukašenkam hetaj inicyjatyvy Uładzimira Pucina i Dźmitryja Miadźviedzieva.
«Źjaŭleńnie takoha kštałtu
Pavodle jaho słoŭ, Łukašenka nie vyrašyŭ ekanamičnych prablem z atrymańniem rasijskich kredytaŭ i hrošaj ad prodažu pradpryjemstvaŭ. «Hetych hrošaj niedastatkova. Tak što navat u hetaj situacyi ideja zadziejničać ekanamičnyja ryčahi suprać Łukašenki zastajecca aktualnaj. I, viadoma, heta pavinien zrabić Jeŭrasajuz», — zajaviŭ pravaabaronca.
Vysłuchaŭšy pradstaŭnikoŭ Biełarusi, Chiłary Klintan zaznačyła, što
ZŠA buduć pastajanna ŭźnimać pytańnie vyzvaleńnia palitźniavolenych. Najpierš pa humanitarnych padstavach pavinny być vyzvaleny ludzi, čyjo zdaroŭje ŭ niebiaśpiecy,skazała dziaržsakratar.
Pavodle jaje słoŭ, pavinna być bolš kaardynacyi jak pamiž ZŠA i ES, hetak i pamiž hramadzianskaj supolnaściu Amieryki i Jeŭropy, kab padtrymać tych, chto vielmi ryzykuje ŭ Biełarusi.
Namieśnik dziaržsakratara ZŠA Majkł Poźnier, jaki prysutničaŭ na sustrečy, zajaviŭ: «My pavinny padvoić našy namahańni i bolš ciesna pracavać ź ES u hetym pytańni».
Adrazu paśla sustrečy ź biełaruskimi aktyvistami Klintan zrabiła publičnuju zajavu:
«Niezrazumieła, jak siońnia, u śniežni 2011 hoda, u Jeŭropie režym Łukašenki robić toje, što jon robić. Tamu my ŭsie zacikaŭleny havaryć jašče bolš žorstka».
