Łukašenka ŭznaharodziŭ deputataŭ PP NS 3

Alaksandr Łukašenka ŭznaharodziŭ dziaržaŭnymi ŭznaharodami deputataŭ Pałaty pradstaŭnikoŭ Nacyjanalnaha schodu čaćviortaha sklikańnia «za plonnuju dziaržaŭnuju i hramadskuju dziejnaść, značny ŭniosak u raźvićcio zakanadaŭstva i parłamientaryzmu». Adpaviedny ŭkaz padpisany 6 śniežnia, paviedamiła pres-słužba prezidenta.

Ordenam Ajčyny III stupieni ŭznaharodžany Viktar Huminski. Ordena Pašany ŭdastojeny Maryja Birukova i Taćciana Hołubieva. Uładzimir Zdanovič uznaharodžany ordenam Francyska Skaryny. Miedala «Za pracoŭnyja zasłuhi» ŭdastojeny Aleh Vialička, Ihar Karpienka, Halina Palanskaja, Anatol Paŭłovič, Aleh Sakadyniec, Mikałaj Samasiejka, Raisa Cichanskaja.

Łukašenka adznačyŭ taksama «šmathadovuju plonnuju pracu, dobrasumlennaje vykanańnie słužbovych abaviazkaŭ rabotnikaŭ sakrataryjata Pałaty pradstaŭnikoŭ». Miedalom «Za pracoŭnyja zasłuhi» ŭznaharodžany načalnik upraŭleńnia hramadzianskaha, pracoŭnaha i sacyjalnaha zakanadaŭstva hałoŭnaha ekśpiertna-pravavoha ŭpraŭleńnia Iniesa Dziamidava, savietnik-kansultant redakcyjnaha ŭpraŭleńnia Irena Miatlickaja i zahadčyca adździeła pa zabieśpiačeńni dziejnaści pastajannaj kamisii pa mižnarodnych spravach i suviaziach z SND Halina Paŭłovič.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH