U Minsku «Miersedes» urezaŭsia ŭ «Vołhu» i zabiŭ piešachoda na tratuary 2

Uviečary 6 śniežnia ŭ stalicy ŭ rajonie haradskoj balnicy chutkaj dapamohi adbyłasia surjoznaja avaryja.

U pres-słužbie Minskaj DAI paviedamili, što paśla sutyknieńnia dvuch lehkavych aŭtamabilaŭ — «Vołhi» i «Miersedesa» — apošniaja mašyna pieraviarnułasia i pavaliłasia prosta na žančynu, jakaja pamierła ŭ mašynie słužby 103, piša onliner.by.

Inśpiektar, jaki vyjazdžaŭ na miesca zdareńnia, paviedamiŭ papiaredniuju viersiju taho, što zdaryłasia: «Kiroŭca «Vołhi» (1953 h.n.) jechaŭ pa vuł. Kižavatava (z boku MKAD). Na skryžavańni z vuł. Asipovickaj jon pačaŭ vykonvać manieŭr razvarotu. U hety momant jamu nasustrač ruchaŭsia «Miersedes» pad kiravańniem maładoha čałavieka (1988 h.n.). Jak śćviardžajuć vidavočcy, jon nibyta prajechaŭ na čyrvony sihnał śviatłafora. Hetaja infarmacyja praviarajecca. U vyniku sutyknieńnia zahinuła žančyna, jakaja znachodziłasia na tratuary, na vyhlad joj kala 50 hadoŭ. Kiroŭcy nie paciarpieli».

Staršy inśpiektar ahitacyi i prapahandy DAI Kastryčnickaha rajona Viktoryja Caruk udakładniła, što ŭ avaryi paciarpieła jašče dziaŭčyna, jakaja znachodziłasia na tratuary.

auto.onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH