Napiaredadni navahodnich śviataŭ źmianiajecca režym pracy mahazinaŭ i abjektaŭ hramadskaha charčavańnia, paviedamiŭ namieśnik staršyni Minharvykankama Uładzimir Kałtovič napres-kanfierencyi 9 śniežnia. Z 15 śniežnia pa 7 studzienia charčovyja mahaziny buduć pracavać jak minimum da 22.00, niecharčovyja — da 21.00.
U śviatočnyja dni — 25, 31 śniežnia 2011 hoda i 7 studzienia 2012 hoda — charčovyja i niecharčovyja mahaziny buduć pracavać pavodle režymu pracoŭnaha dnia. 1 studzienia charčovyja — z 10.00 da 18.00, u niecharčovych — vychadny.
Z 15 śniežnia pa 15 studzienia zabaroniena zakryvać staličnyja mahaziny, abjekty hramadskaha charčavańnia na ramont, invientaryzacyju ci sanitarnyja dni.
Pry najaŭnaści zamoŭ na praviadzieńnie śviatočnych mierapryjemstvaŭ z 15 śniežnia pa 1 studzienia restarany i kafe buduć pracavać da 6.00 biez vychadnych, za vyklučeńniem raźmieščanych u žyłych budynkach.
Rynki 24, 25 i 31 śniežnia, 7 i 8 studzienia buduć pracavać pavodle režymu pracoŭnaha dnia, 1 i 2 studzienia — zakryty na vychadny.
Pavodle słoŭ Kałtoviča, va ŭsich rajonach horada 10 i 11 śniežnia projduć kirmašy z udziełam pradpryjemstvaŭ Homielskaj vobłaści, 14 i 15 śniežnia — Mahiloŭskaj.
17 i 18 śniežnia kala Pałaca sportu adbudziecca rybny kirmaš, u jakim voźmuć udzieł rybałoŭnyja haspadarki i rybapierapracoŭčyja pradpryjemstvy krainy.
24 i 25 śniežnia projdzie ahulnaharadski kirmaš z udziełam pradpryjemstvaŭ kandytarskaj haliny Biełarusi.
Z 15 śniežnia pa 8 studzienia na Kastryčnickaj płoščy i kala Pałaca sportu budzie razhornuty handal navahodnimi padarunkami i prysmakami.
