Alaksandr Łukašenka daručyŭ urezać na 25–30% biudžet Nacyjanalnaj akademii navuk (NAN) Biełarusi na 2012 hod. Takuju zadaču jon pastaviŭ siońnia na plenarnym pasiadžeńni sieminara kirujučych rabotnikaŭ pa pytańniach impartazamiaščeńnia.
«Tut prysutničajuć deputaty, jany buduć u bližejšy čas zaćviardžać biudžet. Na nastupny hod biudžet Akademii navuk pavinien być urezany da ŭzroŭniu hetaha hoda. Adsačycie heta, — daručyŭ Łukašenka. —
Jany pracujuć sami, zarablajuć dobryja hrošy, treba pacichu ich advodzić ad «karmuški».
«Niachaj nie napałavinu, ale 25–30% treba ŭrezać. Da taho času, pakul my budziem karmić nie tolki vučonych, ale kaho b tam ni było, i rabotnikaŭ vytvorčaści, davać hrošy ź biudžetu, prytym niezvarotnyja hrošy, da taho času jany ničoha rabić nie buduć. Ja ničoha novaha nie skazaŭ — takoje žyćcio», — padkreśliŭ Alaksandr Łukašenka.
Jon taksama adznačyŭ, što ciapier važniejšaja zadača — uklučeńnie navukovaj supolnaści ŭ vyrašeńnie zadač prahramy impartazamiaščeńnia. «Budziecie heta rabić — my vas budziem padtrymlivać, nie budziecie — nie spadziavajciesia na dapamohu dziaržavy», — skazaŭ Łukašenka.
