Były kandydat u prezidenty Uładzimir Niaklajeŭ i členy jaho vybarčaha štaba Andrej Dźmitryjeŭ i Siarhiej Vaźniak praviali 19 śniežnia ŭ Minskumini-šeście ŭ hadavinu prezidenckich vybaraŭ.
Jak paviedamiŭ Niaklajeŭ, razam z paplečnikami Andrejem Dźmitryjevym i Siarhiejem Vaźniakom jany prajšli tym šlacham, na jakim ich «pierapynili hod tamu».
«My prajšli ad našaha byłoha ofisa na vulicy Niamiha, pa vulicach Kalektarnaj, Niamiha da Kastryčnickaj płoščy, dzie zapalili śviečki — simvaličny „ahoń svabody“. Paśla hetaha my pajšli da płoščy Niezaležnaści», — skazaŭ Niaklajeŭ.
Kala budynka KDB jany sustreli aktyvistak ukrainskaha ruchu FEMEN, jakija praviali tam akcyju.
«Ale my nie stali čakać, kali nas zabiaruć razam z hetymi dziaŭčynkami. My pajšli dalej da Savieta ministraŭ»,— adznačyŭ palityk.
Jak paviedamiŭ Niaklajeŭ, pierad budynkam urada jon začytaŭ dakumienty, jakija byli pieradadzienyja va ŭrad hod tamu i «jakija dahetul nie stracili svajoj aktualnaści». «Heta zajava ab stvareńni ruchu za novyja vybary, a taksama i novy dakumient — patrabavańnie nieadkładna vyzvalić i reabilitavać palitźniavolenych. Ja asabista napisaŭ ciapierašniamu kiraŭniku ŭrada, što vyzvaleńnie palitźniavolenych — heta ŭmova dalejšaha raźvićcia krainy i vychadu z kryzisu», — skazaŭ Niaklajeŭ.
«Zrazumieła, my nie damahalisia pryjomu niepasredna ŭ ciapierašniaha kiraŭniki ŭrada Michaiła Miaśnikoviča. Tym časam i z adździełam pa zvarocie hramadzian my nie źbirajemsia mieć znosin. Nie budziem hulać u hetyja hulni. Tamu dakumienty my adpravili pa pošcie», — skazaŭ były kandydat u prezidenty.
Pavodle jaho słoŭ, heta była «simvaličnaja akcyja». «My płanavali jaje pravieści viečaram, adnak u suviazi z tym, što ja vyklikany aficyjnaj pozvaj u milicyju na siońniašni viečar, vyrašana było jaje pravieści dniom», — zajaviŭ Niaklajeŭ.
«Heta nie było niejkim arhanizavanym masavym šeściem», — udakładniŭ jon.
***
19 śniežnia 2010 hoda nieviadomyja źbili Niaklajeva ŭ centry Minska pa darozie na akcyju pratestu. Z
