Na Palitradzie Abjadnanaj hramadzianskaj partyi 21 śniežnia była vypracavana pazicyja pa budučym parłamienckim vybaram u Biełarusi, što majuć prajści ŭ vieraśni 2012 hoda, paviedamlaje sajt partyi.
Palitrada pryniała nastupnaje rašeńnie:
«Rekamiendavać źjezdu AHP i «Kaalicyi Šaści» padtrymać ideju aktyŭnaha bajkotu. U vypadku źmieny situacyi ŭ adpaviednaści z patrabavańniami pravaabarončych i demakratyčnych arhanizacyj,
a mienavita: vyzvaleńnia ŭsich palitviaźniaŭ i pryviadzieńnia vybarčaha zakanadaŭstva ŭ adpaviednaść sa standartami ABSIE — rašeńnie moža być pierahledžana.
Jak padkreśliŭ lidar Abjadnanaj hramadzianskaj partyi Anatol Labiedźka, «vybary ŭ varjackim domie niemahčymyja».
***
U «Kaalicyju šaści» ŭvachodziać Partyja BNF, AHP, partyja «Spraviadlivy śviet», arhkamitet pa stvareńni BCHD, Ruch «Za svabodu» i kampanija «Havary praŭdu». 19 śniežnia lidar «Spraviadlivaha śvietu» Siarhiej Kalakin zajaviŭ, što kaalicyja prymie kančatkovaje rašeńnie nakont udziełu/niaŭdziełu ŭ vybarach nie raniej za 20 studzienia 2012 h.
Sojm Partyi BNF, u pryvatnaści, 17 śniežnia nie vyznačyŭsia z farmatam udziełu ŭ vybarach, zajaviŭšy, što maje piać varyjantaŭ, ale nazvaŭ 30 mahčymych kandydataŭ, jakija abo voźmuć udzieł u vybarčaj kampanii, abo ŭznačalać kampaniju pa bajkatavańni vybaraŭ.
