Školnik z Hrodna stvaryŭ realna pierśpiektyŭnuju madel elektramabila.
Kali biełaruskija ŭłady abjavili pra nadychod Hoda pradprymalnaści, jany spadziavalisia, što Biełaruś vyjdzie na ŭzrovień pieradavych jeŭrapiejskich krainaŭ. «Asnoŭnym ruchavikom ryŭka źjaŭlajucca pradprymalnaść, aktyŭnaść i inicyjatyva», — havaryłasia va ŭkazie kiraŭnika dziaržavy.
Bolšaść biełarusaŭ
«Naša Niva» prapanuje
Aŭtamabil, jaki pracuje na pavietry
Aŭtar hetaj na pieršy pohlad niemahčymaj idei — Siarhiej Łatyšaŭ. Jahony aŭtamabil (na fota) nie prosta nie spažyvaje elektraenierhiju, ale jašče i stvaraje jaje. «Kali mašyna jeździć hadzinu, jana vyrablaje minimum 10 kiłavataŭ. Možna stvaryć aparaty, jakija buduć hetuju enierhiju zabirać i vykarystoŭvać dla inšych patrebaŭ», — kaža vynachodnik.
Adkul ža biarecca enierhija dla ruchu? Dla jaje nazapašvańnia pracuje ŭvieś aŭtamabil. «Dach pakryty soniečnymi fotapieraŭtvaralnikami, jość vosiem vietrahienierataraŭ, śpiecyjalnyja prystasavańni vykarystoŭvajuć enierhiju tarmažeńnia», — raskazvaje Siarhiej Łatyšaŭ. U ruch aŭtamabil pryvodzicca ścisnutym pavietram, jakoje razhaniaje elektrahienieratar. Kali ž jano skončycca, enierhiju možna padkačać piedallu.
Pa mierkavańni aŭtara idei, cana mašyny moža składać $40–50 tysiač, adnak jana pavinna akuplacca za košt ekanomii na palivie.
Rysasušyłka
Hety prajekt pahražaje stać mižnarodnym. Prynamsi, im usurjoz zacikavilisia ŭ Vjetnamie. Padčas vizitu biełaruskaj delehacyi miascovyja śpiecyjalisty paskardzilisia, što nie mohuć naładzić miechaničnuju sušku rysu, jakoha ŭ krainie źbirajuć 40 miljonaŭ ton štohod. Damoŭlenaść na pastaŭku aparataŭ užo zaklučanaja, i biełarusam zastajecca tolki naładzić masavuju vytvorčaść.
Infračyrvonaja kastrula
Padsmažvać bulbu prosta ŭ rondali prapanuje zahadčyk łabaratoryi infračyrvonaj techniki BDUIR Michaił Tchastoŭ. Jahonaje vynachodnictva spažyvaje mała enierhii, a pracuje ŭdvaja chutčej za aerahryli. Daśledčyk vykarystoŭvaje staryja savieckija raspracoŭki, jakija paśla razvału SSSR stali niepatrebnymi dziaržavie. Praŭda, materyjały dla čaroŭnaha rondala patrebnyja impartnyja, bo ni hałahiennyja lampy, ni śpiecyjalnaje škło, jakoje prapuskaje infračyrvonaje vypramieńvańnie, u Biełarusi nie robiać.
Elektramabil ad školnika
Hetaje vynachodnictva adroźnivajecca ad aŭtamabila Siarhieja Łatyšava, nazvanaha vyšej, nie tolki krynicaj enierhii dla ruchu. Elektramabil zmoh stvaryć hrodzienski adzinaccacikłaśnik Alaksandr Kazłoŭ z dapamohaj siabroŭ. Maksimalnaja chutkaść mašyny składaje 35 km/h, i jeździć biez padzaradki aŭto zmoža try hadziny. Kab całkam zaradzić akumulatary, patrebna 5 kiłavat — jany kaštujuć kala 1000 rubloŭ.
«Adzin z akumulataraŭ znachodzicca pad kapotam, jašče try stajać u sałonie, — raskazvaje vynachodnik. — Ramu my varyli z žaleza, a koły ŭziali ad mapieda».
Pradstaŭleny prajekt — piłotny. Školnik dumaje nad tym, jak pavialičyć mahutnaść ruchavika.
Jašče adzin prajekt ad maładych navukoŭcaŭ raspracavany ŭ Bresckim dziaržaŭnym univiersitecie. Tut pačali padrychtoŭku da Čempijanatu śvietu pa chakiei, jaki maje prajści ŭ Biełarusi ŭ 2014 hodzie, i stvaryli