U Jekaciarynburhu (Śviardłoŭskaja vobłaść RF) zatrymany hramadzianin Biełarusi, jaki padazrajecca ŭ zhvałtavańni 11-hadovaj plamieńnicy.
Jak paviedamlaje Śledčy kamitet Rasii, u dačynieńni da 41-hadovaha biełarusa, jaki maje časovuju rehistracyju ŭ Jekaciarynburhu, raspačata sprava pa prykmietach złačynstva, praduhledžanaha p. b" č. 4 art. 132 KK RF (hvałtoŭnyja dziejańni sieksualnaha charaktaru, učynienyja ŭ adnosinach da asoby, jakaja nie dasiahnuła 14 hadoŭ).
Śledstvam ustanoŭlena, što 17 śniežnia prykładna ŭ 19.00 hety hramadzianin u niećviarozym stanie ŭ kvatery doma pa vulicy Bakinskich Kamisaraŭ u Jekaciarynburhu, dzie jon žyvie razam z žonkaj, učyniŭ hvałtoŭnyja dziejańni sieksualnaha charaktaru ŭ adnosinach da 11-hadovaj dziaŭčynki, jaho plamieńnicy, jakaja ŭ hety dzień pryjšła ŭ hości da dziadźki. Vidavočcam złačynstva stała maci dziaŭčynki, jakaja i paviedamiła pra heta ŭ pravaachoŭnyja orhany. U momant učynieńnia złačynstva jana i žonka padazronaha znachodzilisia ŭ kvatery, złamyśnik pierad učynieńniem złačynstva adpraviŭ ich u inšy pakoj.
Pravodzicca rasśledavańnie.
