Aktyvistki ruchu Femen i biełaruskija apazicyjaniery, jakija znachodziacca zaraz va Ukrainie, zapisvajuć razam videazvarot da biełarusaŭ.
Heta budzie vinšavańnie z Novym hodam, poŭnaje siurpryzaŭ u admysłovym styli ŭkrainskich fieministak, raspaviała Alaksandra Šaŭčenka.
«Raźmieścicm jaho va ŭsich dastupnych nam resursach: u sacyjalnych sietkach, na našym sajcie, u ŽŽ. Tam buduć i cycki, i ŭkrainskija vianki, mahčyma, budzie zialonka. Karaciej — pabačycie!»
Nahadajem, što aktyvistki Femen pahražali pahalić i ablić zialonkaj biełaruskaha ambasadara ŭ Kijevie. Ale, kaža Alaksandra, jany dali pasłu niekalki spakojnych dzion da Novaha hoda. Potym ža svaju pahrozu abaviazkova ździejśniać. Darečy, siońnia fieministki abmiarkoŭvali svaje płany na 2012 hod. Biełaruś u ich zajmaje nie apošniaje miesca. Ukrainki paabiacali viernucca da nas z novymi akcyjami. Da taho ž, u ich płanach — vialiki jeŭrapiejski tur. I paŭsiul jany buduć šukać pradstaŭnikoŭ aficyjnaha Minsku i tam pieraśledavać ich ź zialonkaj i nažnicami.
