U Biełarusi miesiačnaja minimalnaja zarabotnaja płata (MZP) z 1 studzienia 2012 hoda ŭstanoŭlena ŭ pamiery 1 młn rubloŭ, pahadzinnaja — 5 tys. 930. Heta rašeńnie źmiaščajecca ŭ pastanovie ŭrada ad 9 śniežnia 2011 hoda %1666, paviedamili karespandentu BIEŁTA ŭ Ministerstvie pracy i sacyjalnaj abarony.
Zakonam Respubliki Biełaruś «Ab ustanaŭleńni i paradku pavyšeńnia pamieru minimalnaj zarabotnaj płaty» ŭstanoŭlena pravavaja asnova vyznačeńnia MZP i jaje prymianieńnia. Minimalnaja zarabotnaja płata prymianiajecca vyklučna ŭ śfiery pracoŭnych adnosin jak dziaržaŭny minimalny sacyjalny standart u halinie apłaty pracy za rabotu ŭ narmalnych umovach pry vykanańni ŭstanoŭlenaj normy pracy i zabiaśpiečvaje sacyjalnuju abaronu rabotnikaŭ.
Pamier minimalnaj zarabotnaj płaty, ustanoŭleny i praindeksavany ŭ adpaviednaści z zakanadaŭstvam, źjaŭlajecca abaviazkovym u jakaści nižejšaj miažy apłaty pracy rabotnikaŭ.
Suadnosiny pamieraŭ minimalnaha zarobku i minimalnaha spažyvieckaha biudžetu siamji z čatyroch čałaviek na pačatak 2012 hoda składuć 112,8%.
Pastanovaj Ministerstva pracy i sacyjalnaj abarony ad 17 kastryčnika 2011 hoda № 99 minimalny spažyviecki biudžet siamji z čaryroch čałaviek na pieryjad z 1 listapada 2011 hoda pa 31 studzienia 2012 hoda zaćvierdžany ŭ pamiery 886 tys. 450 rubloŭ.
