Pavodle prahnozu Respublikanskaha hidramieteacentra, u paniadziełak, 9 studzienia, čakajecca pieramiennaja vobłačnaść, biez apadkaŭ. Tempieratura pavietra nočču budzie vahacca na ŭzroŭni minus 4—6°S, dniom 1—3°S nižej za nul.
10 studzienia sinoptyki prahnazujuć sucelnuju vobłačnaść. Načnaja tempieratura składzie 0 — minus 2°S, dzionnaja kala 0°S.
U sieradu i čaćvier, 11 i 12 studzienia, dzionnaja tempieratura čakajecca na ŭzroŭni 0 — plus 2°S. Apadkaŭ nie prahnazujecca, ale ŭsia terytoryja krainy budzie znachodzicca ŭ zonie sucelnaj vobłačnaści.
Mokry śnieh prahnazujecca bližej da kanca tydnia. Tempieratura pavietra 13 studzienia składzie kala 0°S. U noč na 14 studzienia pachaładaje da minus 1—3°S.
U pačatku nastupnaha tydnia paŭdniova-ŭschodni i ŭschodni viecier źmienicca na zachodni i ź sierady pačnie ŭzmacniacca. Tak, 11 studzienia chutkaść vietru čakajecca na ŭzroŭni 5—7 m/s; 12 studzienia 8—10 m/s, paryvy da 14 m/s; ranicaj u piatnicu, 13 studzienia, paryvy vietru buduć dasiahać 20—23 m/s.
Jak adznačajuć sinoptyki, u Biełarusi ŭsio jašče nie było «ŭstojlivaha pierachodu siaredniasutačnaj tempieratury pavietra praz nul da admoŭnych značeńniaŭ, jaki aznačaje pačatak klimatyčnaj zimy».
