Valer Bułhakaŭ, redaktar časopisu «ARCHE»:
Dumaju, tak. Televizijnaja aŭdytoryja, jakoj była adrasavanaja pramova, — zusim unikalnaja. Heta nie internetčyki i nie čytačy apazycyjnaj presy. Kab zacikavić jaje, treba vyhladać nie zvyčajna.
Piotra Rudkoŭski, filozaf, manach-daminikaniec:
Nakolki «pravilnym» było takoje rašeńnie, jość i zastaniecca pytańniem adkrytym, bo ŭ hetym vypadku samo paniaćcie «pravilnaści» nieakreślenaje. «Pravilnym» možna nazvać žadańnie Milinkieviča intehravać hramadztva, jaho biełaruskamoŭnuju i rasiejskamoŭnuju častku. «Pravilnaj» treba ličyć ustanoŭku na nierevalucyjnaje, niehvałtoŭnaje viartańnie nacyjanalnych kaštoŭnaściaŭ. «Pravilnaj» taksama treba ličyć pavahu da faktaŭ, jakoj kirujecca Milinkievič. Hetyja try subjektyŭnyja «pravilnaści» i abumovili movu vystupu. Dla čałavieka, adnoj z hałoŭnych ambicyjaŭ jakoha jość łahodzić padzieły ŭ hramadztvie, takaja taktyka apraŭdanaja. Ja pierakanany, što Milinkievič, staŭšy prezydentam ci zastaŭšysia ŭ apazycyi, zastaniecca viernym svaim adradženskim pierakanańniam i budzie dalikatna stymulavać praces biełarusizacyi, unikajučy pamyłak radykałaŭ pačatku 90-ch hadoŭ.
Iryna Buhrova, palitolah, kaardynatarka prahramaŭ u Mienskim mižnarodnym adukacyjnym centry:
Jon u hetym sensie byŭ vielmi karektny i dakładny. Kali b Milinkievič vystupaŭ jak prosty hramadzianin, jon moh by vybirać movu, jakoj karystajecca kožny dzień. Ale jak kandydat u prezydenty jon pavinien byŭ budavać svoj vystup inačaj.
Volha Achruk, nastaŭnica z Horadni:
Nie, ja za toje, kab jon vystupaŭ tolki pa-biełarusku.
Alaksiej Krukoŭski, vykładčyk Biełaruskaha liceju:
Dumaju, što heta nie paškodziła jaho imidžu, i mnie spadabałasia. Choć pra jaho praktyčna ničoha nie havorać u presie, usio ž imidž «beenefaŭca» za im ciahniecca. I vystup pa-rasiejsku — heta apieradžalny ŭdar.
Fiodar Kvasaviec (Tałačyn), 78 hadoŭ:
Dobra zrabiŭ. A jak inačaj? Pierałamić sytuacyju siońnia nia prosta. Havaryŭ jon pa-rasiejsku, a na pytańni adkazvaŭ i pa-rasiejsku, i pa-biełarusku. Z časam usio pieramienim!
