Sotni hadoŭ brukavanki ŭ haradach i miastečkach ličylisia prykmietaj zamožnaści i dabrabytu.Jany byli častkaj kulturnaha i pobytavaha łandšaftaŭ. Paśla ŭsich mahčymych katastrofaŭ času jany zastalisia tolki jak prykmieta staraśvieččyny, i to nie paŭsiul. U vialikich haradach ich zakatvali ŭ asfalt i tam ich zastałosia adzinki, lik idzie na dziasiatki mietraŭ. U miastečkach ich raźbirali na padmurki damoŭ, a tyja, što zastalisia ŭ vymirajučych vioskach, zarastajuć travoj i sychodziać u niabyt.
Ale pa ich jašče chodziać ludzi. Ci heta naščadki prodkaŭ, što vyrablali hetyja darohi? Ci heta ŭžo inšyja subjekty zusim inšaj kulturnaj farmacyi?Mienavita heta ja i pasprabuju zrazumieć, ubačyć i zafiksavać. Kab nie zabycca i razabracca na jakich darohach žyli našy prodki i kudy iduć našy sučaśniki.
Prośba da čytačoŭ: kali vy viedajecie łakacyi, dzie zachavalisia aŭtentyčnyja brukavanki, paviedamicie praz kamienty da hetaha artykuła ich znachodžańnie.
Paznačać lepš rajon i viosku, miastečka ci chutar, la jakoha jana znachodzicca.Hetym vy jakasna paspryjajecie fotaprajektu, jaki pabačycie ŭ novym 2012 hodzie na staronkach «Našaj Nivy».
0
0
0
0
0
0
