Jeŭrasajuz płanuje nieŭzabavie pašyryć sankcyi suprać aficyjnaha Minska. Rašeńnie mohuć pryniać 23 studzienia.
Jak pieradaje UNIAN, pra heta na pasiedžańni Kamiteta pa pytańniach zamiežnych spravaŭ Jeŭraparłamienta zajaviŭ dyrektar pa pytańniach Rasii, Uschodniaha partniorstva, Centralnaj Azii, rehijanalnaha supracoŭnictva i ABSIE Hunar Vihand. Pa słovach dypłamata, ES moža ŭklučyć u śpis nieŭjaznych jašče 135 biełaruskich čynoŭnikaŭ. Heta ludzi, jakija akazvajuć cisk na pravaabaroncaŭ, žurnalistaŭ, pradstaŭnikoŭ hramadzianskaj supolnaści.
Akramia taho, jak paviedamlajuć dypłamatyčnyja krynicy, mahčyma, pašyrycca śpis biełaruskich pradpryjemstvaŭ, čyje aktyvy buduć zamarožany i apieracyi ź jakimi buduć zabaronienyja.
Nahadajem, što ŭ «čornym śpisie» Jeŭrasajuza ŭžo bolš za 200 imionaŭ biełaruskich čynoŭnikaŭ. Uznačalvaje jaho kiraŭnik dziaržavy Alaksandr Łukašenka.
