Za pieršyja dziesiać dzion studzienia inflacyja skłała 0,5% 2

Spaž

yvieckija ceny na tavary i płatnyja pasłuhi nasielnictvu z pačatku hoda (pa stanie na 10 studzienia) vyraśli ŭ paraŭnańni ź siarednimi cenami śniežnia na 0,5%,

paviedamlaje Nacyjanalny statystyčny kamitet.

Najbolšy rost cen z pačatku miesiaca adznačany na piva — na 2,5%, jałavičynu (akramia bieskaściavoha miasa) — 2,1%, harełku — 1,8%, krupu mannuju — 1,2%. Kansiervy rybnyja padaraželi na 0,8%, muka pšaničnaja — na 0,7%, marharyn, napoi biezałkaholnyja, jajki, sieladziec salony, kansiervy fruktovyja i aharodninnyja, syr płaŭleny, piečyva — na 0,5–0,6%. Tkaniny padaraželi na 1,1%, trykatažnyja i pančošna-škarpetačnyja vyraby, parfumierna-kaśmietyčnyja tavary — na 0,8%, miedykamienty i posud — na 0,6%.

Z pasłuh bolš za ŭsio padaraželi sanatorna-azdaraŭlenčyja — na 20,4% i kultury — na 15,6%. Miedycynskija pasłuhi padaraželi na 2,3%, vyšejšaj adukacyi — na 1,7%, bytavyja — na 1,4%.

Razam z tym na šerah tavaraŭ ceny źnizilisia: na rybu marožanuju i małako (na 0,2%), śmiatanu (na 0,9%), tvaroh tłusty (na 0,4%), krupy prasianyja (na 1%), krupy hreckija (na 1,3%), kapustu śviežuju biełakačannuju (na 0,5%), morkvu (na 2,2%).

Na raniejšym uzroŭni zastalisia ceny na masła, abutak, pasłuhi elektrazabieśpiačeńnia, haračaha vodazabieśpiačeńnia, chałodnaha vodazabieśpiačeńnia, hazazabieśpiačeńnia, aciapleńnia, pieravozku pasažyraŭ u aŭtobusach unutryharadskich i pryharadnych znosin.

Jak paviedamlałasia, inflacyja za 2011 hod skłała 108,7%

 — rekordnaje značeńnie za apošnija 10 hadoŭ. Prahnozam sacyjalna-ekanamičnaha raźvićcia na 2011 hod inflacyja nie pavinna była pieravysić 7,5–8,5%. Na 2012 hod ustanoŭleny pakazčyk na ŭzroŭni 19–23%.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH