U čarhovym matčy čempijanatu Kantynientalnaj chakiejnaj lihi 15 studzienia minskaje «Dynama» vyjhrała na svajoj placoŭcy ŭ nižniakamskaha «Naftachimika» ź likam 5:0 (0:0, 2:0, 3:0) i viarnułasia na pieršaje miesca ŭ dyvizijonie Tarasava. Hetaja pieramoha — samaja bujnaja za čas vystupleńnia dynamaŭcaŭ ŭ KCHŁ.
Šajby zakinuli: Pieter Padhradski (21.16, 5×4, pas — Zbyniek Irhł), Alaksandr Paŭłovič (35.26, pas — Alaksandr Kitaraŭ), Zbyniek Irhł (45.05, 5×4, asistenty — Jarasłaŭ Obšut, Tejemu Łajne), Tejemu Łajne (49.53, 5×4, pas — Jarasłaŭ Obšut), Alaksandr Kitaraŭ (51.21, pas — Jerie Karałachci).
Paśla 42 hulniaŭ «Dynama» z 71 bałam zajmaje pieršaje miesca ŭ dyvizijonie Tarasava, druhoje — u Zachodniaj kanfierencyi i piataje — u ahulnaj tablicy (18 pieramoh u asnoŭny čas i 6 pa bulitach, 13 paražeńniaŭ u asnoŭny čas, 3 u aviertajmie i 2 pa bulitach, roźnica šajbaŭ 121–101).
17 studzienia «Dynama» sustreniecca doma z kazanskim «Ak Barsam»,
