Upraŭleńniem Śledčaha kamiteta pa Homielskaj vobłaści raspačataja kryminalnaja sprava, pradmietam jakoj staŭ «źliŭ» infarmacyi ab pamierłych hramadzianach.
Takija źviestki asabliva cikavyja dla tych, chto zajmajecca akazańniem rytualnych pasłuh. Jak i na ŭsiaki popyt, znajšłasia prapanova.
U atrymańni chabaru padazrajecca pamočnik dziažurnaha adnaho z adździaleńniaŭ milicyi, vykryty supracoŭnikami
Śledčyja USK vyśviatlajuć akaličnaści takoha supracoŭnictva. Nie vyklučana, što kolkasny skład fihurantaŭ spravy papoŭnicca. Jak pakazała pravierka, anałahičnym hrašyli i rabotniki inšych dziaržaŭnych ustanovaŭ.
Charakterna, što sama tema zacikaviła pravaachoŭnyja orhany paśla publikacyi ŭ adnym z homielskich drukavanych vydańniaŭ. U artykule raskazvałasia pra aburalny vypadak, kali pamierłaja ŭ lakarni žančyna była ŭ ekstranym paradku pachavanaja całkam starońnimi ludźmi. Pry hetym jany ŭmudrylisia atrymać naležnuju dla takich vypadkaŭ dapamohu, ale navat nie znajšli času paviedamić synu pamierłaj, jaki žyvie ŭ inšym rehijonie.
Darečy, padobnaja kryminalnaja historyja ŭžo mieła miesca ŭ Homieli niekalki hadoŭ tamu. Tady pahareli rabotniki morhaŭ, jakija pa zahadzie kiraŭnictva, a časam pieraśledujučy ŭłasny intares, zabiaśpiečvali infarmacyjaj pryvatnyja rytualnyja firmy. Uzajemavyhadnaje supracoŭnictva praciahvałasia, pakul pra jaho nie stała viadoma ŭ miascovym upraŭleńni KDB. Pa zaviaršeńni śledstva byli asudžanyja načalnik abłasnoha kliničnaha patołahaanatamičnaha biuro i zahadčyk