Alaksandr Łukašenka 16 studzienia padpisaŭ ukaz № 28 «Ab niekatorych pytańniach praviadzieńnia čempijanatu śvietu pa chakiei 2014 hoda ŭ h. Minsku».
Dakumient skiravany na vyrašeńnie pytańniaŭ padrychtoŭki i praviadzieńnia hetaha spartyŭnaha forumu, paviedamlaje
Tak, vyzvalajucca ad abkładańnia ŭvaznymi mytnymi pošlinami z ulikam mižnarodnych abaviazacielstvaŭ Biełarusi i padatkam na dadadzieny košt tavary, za vyklučeńniem padakcyznych, jakija ŭvoziacca na terytoryju Biełarusi dla praviadzieńnia čempijanatu śvietu pa chakiei 2014 hoda. Asnoŭnaj umovaj dla takoha vyzvaleńnia źjaŭlajecca paćviardžeńnie metavaha pryznačeńnia tavaraŭ, jakoje budzie vydavacca Minharvykankamam u dačynieńni da tavaraŭ, jakija ŭvoziacca dla budaŭnictva, rekanstrukcyi i abstalavańnia spartyŭnych zbudavańniaŭ, haścinic i inšych abjektaŭ infrastruktury, i Ministerstvam sportu i turyzmu — u dačynieńni da inšych tavaraŭ.
Dla aficyjnych udzielnikaŭ čempijanatu i zamiežnych turystaŭ ustanaŭlivajecca biaźvizavy paradak ujezdu ŭ Biełaruś u pieryjad z 25 krasavika pa 31 maja 2014 hoda.
Padstavaj dla biaźvizavaha ŭjezdu ŭ Biełaruś dla aficyjnych udzielnikaŭ čempijanatu źjaŭlajecca ŭklučeńnie ich u śpisy aficyjnaj akredytacyjnaj sistemy čempijanatu Mižnarodnaj fiederacyi chakieja, a dla turystaŭ — najaŭnaść aryhinalnaha ci elektronnaha bileta na matčy čempijanatu. Dla aficyjnych udzielnikaŭ čempijanatu i zamiežnych turystaŭ nie patrabujecca dahavor miedycynskaha strachavańnia.
