Prychodzić na źvierku pažadana, ale nieabaviazkova.
Nahadajem, letaś vyjšaŭ ukaz, pavodle jakoha źvierka čarhi na žyllo budzie prachodzić nie raz na piać hadoŭ, a štohod. Meta — pieraličyć usich, chto maje prava znachodzicca na čarzie, i prybrać lišnich. U Minharvykankamie pačali hetuju pracu, nie čakajučy lutaha: uvosień prybrali «dvajnikoŭ» — siemji, jakija stajać na ŭliku ŭ roznych vykankamach. Užo paśla hetaj čystki čarha skaraciłasia na 5 tysiač čałaviek — z 280 da 275 tysiač. A ź lutaha źvierka razhorniecca ŭ poŭnym maštabie. Kaho vyklučać z čarhi?
1. Tych, chto palepšyŭ svaje žyllovyja ŭmovy. Pryčym nie tolki tych, chto nabyŭ mietry ŭ Minsku, ale i tych, chto abzavioŭsia žyllom u Minskim rajonie. Vyklučać u tym liku i tych, chto daŭno stanaviŭsia na ŭlik, žyŭ u maleńkaj kvatercy, ale ciapier maje bolš za 15 kvadratnych mietraŭ ahulnaj płoščy na čałavieka (naprykład, paśla śmierci svajakoŭ).
2. Tych, chto pierajechaŭ u inšy nasieleny punkt. (Vyklučeńnie — kali vy staicie na ŭliku ŭ arhanizacyi, pracujecie ŭ joj i vas prosta pieraviali na pracu ŭ inšy horad).
3. Tych, chto staŭ u čarhu pa mieccy pracy, ale zvolnieny.
4. Tych, chto padaŭ źviestki, što nie adpaviadajuć rečaisnaści, i tych, kaho ŭ čarhu pastavili niezakonna.
5. Tych, chto atrymaŭ ilhotny kredyt i pabudavaŭ žyllo ahulnaj płoščaj mienš čym 15 kv. mietraŭ (u h. Minsku — mienš čym 10 kv. mietraŭ) na čałavieka. Pry hetym źniaćcie z uliku ažyćciaŭlajecca paśla rehistracyi prava ŭłasnaści na žyłoje pamiaškańnie.
6. Tych, chto pradaŭ učastak, dadzieny paśla 1 studzienia 2011 h. jak asobie, što staić na ŭliku tych, chto maje patrebu ŭ palapšeńni žyllovych umovaŭ.
7. Tych, chto try razy ciaham hoda admoviŭsia ad sacyjalnaha žylla abo budaŭnictva kvatery pa čarzie.
Navat kali
— Prychodzić na źvierku treba, — zapeŭnili ŭ słužbie «adno akno» administracyi Frunzienskaha rajona Minska. — Z dakumientaŭ patrebnyja pašparty, paśviedčańni ab naradžeńni dziaciej. Nie viedaju, ci patrebnyja buduć daviedki z Ahienctva pa dziaržrehistracyi i ziamielnym kadastry Minskaj vobłaści. Patelefanujcie ŭ lutym i ŭdakładnicie.
— A što, kali nie pryjdzieš — vyklučać?
— Nie, takoha nie było raniej.
Navošta stajać u čarzie, kali ŭsio roŭna lhotnaha kredytu nie daduć?
Banki vydajuć čarhavikam kamiercyjnyja kredyty pad bolš nizkija pracenty. Naprykład, toj ža Biełarusbank — pad 31% hadavych. U toj čas jak kredyty astatnich prapanujucca pa staŭkach, vyšejšych za 50%.
