Sud Žłobinskaha rajona vynies prysud bandzie ź piaci čałaviek, starejšamu ź jakich 67 hadoŭ, a małodšamu — 20. Pryhavor pakul nie nabyŭ zakonnuju moc, čatyry ź piaci abvinavačvanych abskardziać jaho.
Jak paviedamili ŭ prakuratury Žłobinskaha rajona, abvinavačvanyja pryhavorany da pazbaŭleńnia voli na termin ad 8 da 13 hadoŭ. Jany abvinavačvalisia va ŭčynieńni šerahu złačynstvaŭ: hvałtoŭnyja dziejańni sieksualnaha charaktaru, raspusnyja dziejańni, połavyja znosiny ź niepaŭnaletnimi, vyrab i raspaŭsiud parnahrafii, uciahvańnie ŭ zaniatak prastytucyjaj.
Banda była zatrymanaja viasnoj 2011 hoda.Jany ŭsie byli asobami nietradycyjnaj sieksualnaj aryjentacyi i padšukvali chłopčykaŭ 13–16 hadoŭ dla sieksualnych dziejańniaŭ. Svaje złačynnyja dziejańni mužčyny zdymali na fota i videa, a zatym raspaŭsiudžvali ŭ svaim asiarodździ i ŭ internecie. Zdymki jany vykarystoŭvali dla šantažu padletkaŭ, tamu dzieci ničoha nie kazali baćkam. Udałosia złavić ich tady, kali ad inšych padletkaŭ pastupiła infarmacyja ab mahčymaj złačynnaj dziejnaści hetych hramadzian.
Śledstvam ustanoŭlena 14 achviar bandy.Nie vyklučana, što lik paciarpiełych pavialičycca pry praviadzieńni dadatkovych pravierak i śledstva pa kryminalnych spravach, vydzielenych u asobnuju vytvorčaść.
Abvinavačvanyja padkuplali dziaciej łasunkami, hulniami ŭ kampjutar, niaznačnymi sumami hrošaj, i schilali ich da sieksualnych dziejańniaŭ.
Adzin z abvinavačvanych sam u padletkavym uzroście staŭ achviaraj seksualnaha hvałtu. Jašče adzin, 1954 hoda naradžeńnia, užo adbyvaŭ pakarańnie ŭ
Na sudzie, jaki prachodziŭ u zakrytym režymie, abvinavačvanyja nie pryznavali svaju vinu. Jany śćviardžali, što dzieci dobraachvotna ŭstupali ź imi ŭ pałavyja kantakty i chłopčykam heta padabałasia.
Dzieci byli z roznych sacyjalnych słajoŭ, u vyniku hvałtoŭnych dziejańniaŭ usie jany atrymali psichatraŭmu.
