U Redakcyju trapiła aryjenciroŭka na ROSŠUK vaŭkavyskaha pradprymalnika Mikałaja Aŭtuchoviča, što raspaŭsiudžvajecca pa kanałach Ministerstva ŭnutranych spravaŭ.
Nahadajem: M.Aŭtuchoviča vinavaciać u parušeńniach padatkovaha zakanadaŭstva. Ź jaho chočuć spahnać vialikija štrafy. Sam pradprymalnik abvinavačvańniaŭ nie pryznaje, ličyć ich pomstaj za samastojnaść i niežadańnie «dzialicca» z uładaj.
Aryštavany, jon damohsia vyzvaleńnia šlacham 74-dzionnaj haładoŭki. Jaho vypuścili pad chatni aryšt, adkul jon źnik niemavied kudy.
U aryjenciroŭcy ŭražvaje paznaka: «Nehatyŭna stavicca da isnujučaha dziaržaŭnaha ładu i Kiraŭnika dziaržavy» (słova «kiraŭnik» u tekście — ź vialikaj). Ci to heta abciažvajučaja, ci to ablahčajučaja akaličnaść.
Źviartaje ŭvahu, što M.Aŭtuchovič uciok sa zbrojaj.
Siabar pradprymalnika Ŭładzimier Asipienka zajaviŭ radyjo «Svaboda», što z času źniknieńnia jon užo dvojčy dasyłaŭ źviestki pra siabie na elektronnuju poštu, u jakich prosta paviedamlaŭ, što jahonaje zdaroŭje nie palapšajecca.
Sp.Asipienka taksama raskazaŭ, što žonka Aŭtuchoviča Alena źjechała niekudy, a dačku Kaciu hladzić babula. Darečy, da škoły Kaciu vozić adzin z kiroŭcaŭ — kab čaho nia zdaryłasia, zaznačaje Ŭładzimier Asipienka.
