Ci vierać rabočyja ŭ svaju abaronienaść? I ci vierać, što prafsajuzy mohuć dapamahčy, naprykład, kali jany buduć patrabavać pavialičyć zarobki?
U Mahilovie rabočyja RUP «Mahiloŭski domabudaŭničy kambinat» stvarali kamitet dla strajku, kab zmahacca za lepšyja zarobki. U Viciebsku budaŭniki vyjšli z aficyjnaha prafsajuzu ŭ znak salidarnaści sa zvolnienym kalehaj i abiacali pierajści ŭ BNP (Biełaruski niezaležny prafsajuz). U Mikaševičach niekalki sotniaŭ pracoŭnych pierajšli ŭ niezaležny prafsajuz dziela sapraŭdnaj abarony svaich pravoŭ i intaresaŭ. A što ŭ Minsku? Ci nasamreč rabočyja adčuvajuć, što ich prafsajuzy abaraniajuć ich pravy i intaresy? Dy i čaho čakajuć ad svaich prafsajuzaŭ: abarony ci padarunkaŭ na novy hod? I kali havorka idzie pra takija paniaćci, jak «abaraniać svaje pravy» i «zmahacca za lepšyja ŭmovy», ci chočuć hetaha sami rabočyja?
My spytali rabočych kala prachadnoj Minskaha traktarnaha zavoda, što jany dumajuć na hety kont? Ci adčuvajuć jany abaronienaść svaimi prafsajuzami? I ci hatovyja zmahacca za štości sami?
