Svajaki advakata, zastrelenaha minułaj piatnicaj ŭ Machačkale razam sa svajakom i abvieščanaha bajevikom, jaki supraciŭlaŭsia, nie vierać u aficyjnuju viersiju i zajaŭlajuć pra raspravu nad im,pra što praz sacyjalnyja sietki ŭžo daviedałasia ŭsia respublika, pryčym adbyłosia heta napiaredadni mitynhu suprać siłavikoŭ, piša rasiejskaja hazieta «Kommiersant».
U minułuju piatnicu supracoŭniki pravaachoŭnych orhanaŭ praviali ŭ Dahiestanie apieracyju, padčas jakoj, jak było aficyjna abvieščana, zahinuli advakat Umar Sahidmahamiedaŭ i jaho svajak Rasuł Kurbanaŭ.
Pavodle aficyjnaj viersii respublikanskaha kiravańnia Śledčaha kamiteta, uviečary 20 studzienia na vulicy Kotrava ŭ Machačkale supracoŭniki pravaachoŭnych orhanaŭ pasprabavali spynić dla pravierki dakumientaŭ
Jak piša hazieta,
vidavočcy zdareńnia i svajaki Rasuła Kurbanava trymajucca inšaj viersii padziejaŭ,jakaja dziakujučy sacyjalnym sietkam chutka raspaŭsiudziłasia pa respublicy. Ź ich apoviedu vynikaje, što advakat jechaŭ u hości da svajho stryječnaha brata na ŭłasnaj mašynie, a kali Rasuł Kurbanaŭ vyjšaŭ na vulicu z chaty ŭ adnych tapačkach, kab pravodzić Umara, da ich na vialikaj chutkaści padjechaŭ braniavany «UAZ», ź luka jakoha śpiecnazaviec z ručnoha kulamiota rasstralaŭ advakata i jaho svajaka.
Zrabiŭšy kantrolnyja streły i vypuściŭšy niekalki kulaŭ pa mašynie advakata, jak piša sa spasyłkaj na vidavočcaŭ hazieta, bajcy nieviadomaha padraździaleńnia, «nie biantežačysia prysutnaści vybiehłaha z doma baćki Kurbanava i inšych śviedkaŭ», dačakalisia palicejskich, sabrali strelanyja hilzy i tolki potym źjechali.
Pa słovach svajaka zabitych Murada Achmiedava, ź cieła Rasuła Kurbanava dastali bolš za 30 kulaŭ. «Jany stralali razryŭnymi, cieła było praktyčna razarvana na kavałki, — apavioŭ jon. — U morhu nam vydali cieła tolki paśla taho, jak my pakazali śledčamu daviedku z MUS i FSB, što zabityja nie byli členami niezakonnych uzbrojenych farmavańniaŭ i što supracoŭniki hetych strukturaŭ nie pravodzili suprać ich śpiecapieracyju».
Svajaki i kalehi advakata Sahidmahamiedava z advakackaj kantory «Kaŭkaz» ŭpeŭnienyja, što asnoŭnaj metaj tych, chto napadaŭ, byŭ mienavita jon. Advakat abaraniaŭ abvinavačanych va ŭdziele ŭ niezakonnych uzbrojenych farmavańniach i złačynstvach terarystyčnaj nakiravanaści.
U pryvatnaści, adnoj z apošnich jaho spravaŭ była sprava bratoŭ Sefierbiekavych, abvinavačanych u zabojstvie dyrektara škoły ŭ vioscy Savieckaje Maharamkienckaho rajona. Zhodna ź viersijaj śledstva, toj zrabiŭsia achviaraj pomsty bajevikoŭ za zabaronu našeńnia chidžabaŭ ŭ navučalnaj ustanovie. Pa słovach brata zabitaha advakata, u jaho byli videazapisy katavańniaŭ u SIZA i pra heta było viadoma siłavikam. Kurbanav ža, na mierkavańnie vidavočnikaŭ, staŭ vypadkovaj achviaraj.
Na dumku «Kommiersanta», hibiel advakata i jaho svajaka moža «rezka abvastryć situacyju ŭ respublicy napiaredadni čarhovaha mitynhu suprać samaŭpraŭnaści siłavikoŭ», pryznačanaha na 27 studzienia. «Zaraz da akcyi mohuć dałučycca navat takija, jak ja, — skazaŭ svajak zabitaha Achmiedaŭ, — chto nikoli nie padumvaŭ ab udziele ŭ takich mierapryjemstvach i navat nie vieryŭ u mahčymaść takich žorstkich pazasudovych raspravaŭ».
