Minharvykankam admoviŭ inicyjatyŭnaj hrupie pa źmienie vybarčaha zakanadaŭstva, jakuju ŭznačalvaje kandydat na prezidenckich vybarach 2010 hoda Dźmitryj Us, u praviadzieńni ŭstanoŭčaha schoda.
Pryčyna admovy — parušeńnie artykuła № 5 zakona «Ab masavych mierapryjemstvach». «Jakim čynam my parušyli hety artykuł pradstaŭniki haradskich uładaŭ admovilisia patłumačyć», — kaža Dźmitryj Us.
— Kali byli b niejkija parušeńni, jany pavinny byli b ukazać — nie pradstaŭlena damova, ci niama pamiaškańnia, ci prapanavać inšaje pamiaškańnie, jakoje dazvoliła b pravieści mierapryjemstva. Hetaha ničoha nie było. Suchi, biurakratyčny adkaz. Ja liču, heta niejki ździek u adnosinach da biełaruskaha narodu.
Dźmitryj Us i jaho inicyjatyŭnaja hrupa płanuć paŭtorna nakiravać u Minharvykankam zajaŭku na praviadzieńnie schoda, a taksama paralelna sabrać tysiaču podpisaŭ i nakiravać ich ŭ Administracyju prezidenta z prośbaj dazvolić praviadzieńnie mierapryjemstva.
