Biełaruskaja «Mara» Siarhieja Levina

Za paŭhoda pracy «Mara» zaniała 20,2% biełaruskaha rynku.

Siarhiej Levin ź piva pierajšoŭ na paraški. Iznoŭ z unikalnym pośpiecham.

Fabryka «Sonca», jakaja vypuskaje parašok, pabudavanaja nie ŭ Minsku, a ŭ Asipovičach.

Svaju rolu ŭ pośpiechu adyhraŭ kryzis, praź jaki zamiežnyja tavary padaraželi ŭtraja.

Na Biełaruś raźličana sieryja «Mara», na rynak ES - daražejšy parašok April.

Pralny parašok «Mara» možna nazvać adnym z samych paśpiachovych biznes-prajektaŭ 2011 hoda.

Vysoki dachod jon prynios nie tolki svajmu ŭładalniku, biznesoŭcu Siarhieju Levinu. Historyju pradpryjemstva zmoža vykarystoŭvać u svaich intaresach i dziaržava. Sapraŭdy, uzornaja karcinka dla zamiežnych inviestaraŭ — 30-miljonny prajekt zdoleŭ chutka zaniać miesca na supiernasyčanym rynku. U dadatak, fabryka «Sonca», jakaja vypuskaje parašok, pabudavanaja nie ŭ Minsku, a ŭ Asipovičach, što dakazvaje — prybytkovuju spravu možna vieści i na pieryfieryi.

A dla hramadstva pazityŭnym znakam budzie pieradusim zapaminalnaja rekłamnaja kampanija, jakaja była praviedziena całkam pa-biełarusku

i z pryciahnieńniem zorak ajčynnaha šoubiznesu. Značycca, niavarta bajacca «biełaruskamoŭnaści» svajho tavaru. Darečy, nieŭzabavie na ekranach źjaviacca novyja hieroi, abiacaje kiraŭnictva «Sonca».

Tavar na pieraprodaž

Siarod biełaruskich pradprymalnikaŭ Siarhiej Levin vyłučajecca tym, što nadzvyčaj lohka raźvitvajecca z adnym biznesam i pačynaje novy.

Pryčym kožny raz uhoda pa prodažy atrymlivajecca nadzvyčaj vyhadnaj.

Pieršym takim prykładam była pivavarnaja kampanija «Siabar».

Madernizavaŭšy Babrujski kansiervavy zavod, jon praz try hady pradaŭ jaho i brend piva «Babroŭ» kancernu Heineken. Pazbyŭšysia ŭ 2007 hodzie piŭnych aktyvaŭ, Levin ščylna zaniaŭsia biezałkaholnymi napojami. Jahonaje pradpryjemstva «Staraja krepaść» vypuskała soki i niektary «Sočny» i Exotic. Advajavaŭšy vialikuju dolu biełaruskaha rynku va ŭkrainskich kampanijaŭ, biznesoŭca ŭ pačatku 2011 hoda vyjšaŭ z prajekta, kab zavajavać novy rynak, ciapier — bytavoj chimii.

Biełaruskija hrošy z Kipra

«Maru» nielha nazvać prajektam vyklučna Siarhieja Levina.

Zasnavalnikam fabryki «Sonca» źjaŭlajecca kiprskaja kampanija Lebortovo Capital Partners Ltd, akcyjanierami jakoj źjaŭlajucca i litoŭskija biznesoŭcy.

Na budaŭnictva treba było znajści $30 miljonaŭ, čverć hrošaj byli hatovyja dać Mižnarodnaja finansavaja karparacyja i Jeŭrapiejski bank rekanstrukcyi i raźvićcia. Adnak Nacbank zabłakavaŭ ich dapamohu, rastłumačyŭšy, što praduchilaje lehalizacyju złačynnych dachodaŭ. U vyniku kala 5 miljonaŭ jeŭra pazyčyŭ «Pryjorbank».

Cikava, što spačatku płanavałasia vykarystoŭvać nazvu «Svaboda», adnak paśla zamiest jaje abrali «Sonca».

Siarhiej Levin zajaŭlaŭ, što byŭ hatovy zamiest budaŭnictva novaha pradpryjemstva ŭkłaści tyja ž hrošy ŭ baranavicki «Barchim». Ale padčas pieramovaŭ z uładami, pa słovach Levina, jamu było admoŭlena na ŭsich uzroŭniach. Nieŭzabavie «Barchim» vystavili na aŭkcyjon pa mienšaj canie.

Kryzis u dapamohu

«Za paŭhoda pracy na rynku «Mara» zaniała 20,2% biełaruskaha rynku, kali ličyć u hrošach, i 22,5% — u tonach.

Heta padliki kampanii Nielsen, zroblenyja ŭ listapadzie-śniežni 2011 hoda», — kaža dyrektar pa markietynhu Ina Vasilevič. Raniej bolš za 70% prodažaŭ u Biełarusi mieli zachodnija Procter & Gamble i Henkel, jakija pradavali svoj pradukt pad dziasiatkam brendaŭ — Tide, Ariel, Persil i inšyja. Z ajčynnych vytvorcaŭ byŭ pradstaŭleny tolki «Barchim», jaki, adnak, papularnaściu nie karystaŭsia.

Kali ž havaryć niepasredna pra brendy, to «Mara» ŭžo zaniała pieršaje miesca ŭ rejtynhu prodažaŭ. Viadoma ž,

svaju rolu ŭ pośpiechu ajčynnaha parašku adyhraŭ kryzis, praź jaki zamiežnyja tavary padaraželi ŭtraja.

I choć u «Sonca» impartnaja syravina taksama składaje 85% ad kančatkovaj pradukcyi, ajčynny pradukt dazvalaje zachavać paraŭnalna nievysokija ceny.

Što da pastavak za miažu, to praca tolki naładžvajecca. «My ŭžo pradajom «Maru» va Ukrainie. Što datyčycca Jeŭrasajuza, to kantrakt amal padpisany i ŭ najbližejšy čas pačnucca pastaŭki ŭ Prybałtyku, — adznačaje Ina Vasilevič. —

Vosieńniu «Sonca» pačało vypusk bolš darahoha parašku — April.

Ale kampanija vypuskaje nie tolki paraški.

U śniežni 2011-ha źjavilisia srodki dla myćcia posudu i vadkaje myła, taksama pad brendam «Mara».

Dadatkovy abjom inviestycyj u vytvorčaść skłaŭ 3 miljony jeŭra».

Pošuk patencyjału

Tym časam Siarhiej Levin rychtujecca da zapusku novych prajektaŭ.

U pačatku hoda jon pakinuŭ pasadu kiraŭnika pradstaŭnictva inviestycyjnaha banka «Reniesans Kapitał» u Biełarusi. Heta ŭstanova miełasia stać pasiarednikam pamiž dziaržavaj i pryvatnym siektaram u pryciahnieńni hrošaj u krainu.

Ciapier jon zasnoŭvaje fond «Siabar Kapitał», jaki budzie zajmacca inviestycyjami ŭ niepubličnyja kampanii, jakija jašče nie paśpieli raskrucicca i padaražeć.

* * *