Prem'jer-ministr RF Uładzimir Pucin zajaviŭ, što ŭ pytańni ahulnaj valuty Rasii i Biełarusi, pa jakim nie dasiahnuta damoŭlenaściaŭ, «miač» zastaŭsia na biełaruskim baku.
«Treba ščyra skazać, što ŭ ekanamičnaj halinie my ź Biełaruśsiu nie zmahli damovicca da tych stupieniaŭ intehracyi, jakich by nam chaciełasia. Naprykład, my nie zmahli damovicca z našymi biełaruskimi siabrami pa stvareńni ahulnaj valuty», — pryvodzić RIA Novosti słovy Pucina na sustrečy ź vieteranami ŭ
Jon nie staŭ paviedamlać pryčyny, ale skazaŭ: «Ja liču, što miač usio adno zastaŭsia na ich baku pa hetym pytańni». Pucin dadaŭ, što biełaruski bok staŭ vystaŭlać umovy, jakija rasijskaja ekanomika realizavać nie moža.
«My nie možam mieć dva emisijnyja centry, heta značyć banki, jaki drukuje hrošy i tam i tam», — zajaviŭ rasijski premjer.
Adzin z udzielnikaŭ sustrečy zapytaŭ u jaho, ci ubačać vieterany pry žyćci Sajuznuju dziaržavu Rasii i Biełarusi, na što Pucin adkazaŭ: raźvićcio adnosin dźviuch dziaržaŭ źjaŭlajecca adnym z najvažniejšych kirunkaŭ źniešniaj palityki krainy. «Adradžeńnie Savieckaha Sajuza niemahčymaje i nie treba, na žal», — adznačyŭ premjer, dadaŭšy, što histaryčnaj misijaj źjaŭlajecca zachavańnie ŭsiaho dobraha, što dastałasia sučaśnikam ad minułych pakaleńniaŭ.
Pucin padkreśliŭ, što Rasija hatovaja na samyja hłybokija formy kaapieracyi ź Biełaruśsiu, i zaŭvažyŭ, što ŭpieršyniu za postsavieckija hady ŭdałosia ŭ hetym pytańni zrabić realny krok — stvaryć Mytny sajuz.
«Mnohaje, što było zroblena nami na treku Rasii i Biełarusi, moža i pavinna być vykarystana ŭ budaŭnictvie hłybokich stupieniaŭ intehracyi ŭ śfiery ekanomiki», — padkreśliŭ rasijski premjer.
Jak raniej paviedamlałasia, Alaksandr Łukašenka, adkazvajučy na pytańni žurnalistaŭ 4 listapada, zajaviŭ, što nie hatovy da ŭviadzieńnia adzinaj valuty ŭ AEP, adnak nie vyklučaje takoj mahčymaści ŭ pierśpiektyvie.
Jon nahadaŭ, što heta pytańnie ŭžo abmiarkoŭvałasia ŭ miežach Sajuza Biełarusi i Rasii, ale było šmat niajasnaha, na što nichto nie moh adkazać. «Buduć roŭnyja ŭmovy, my budziem bačyć, da čaho heta pryviadzie, dyk čamu b nie stvaryć na roŭnych umovach i adzinuju valutu», — adznačyŭ kiraŭnik dziaržavy.
«I potym, my pavinny być pierakanany, što heta nie pryviadzie da straty palityčnaha suvierenitetu, što heta nie razmaža, nie razmyje našu respubliku, — skazaŭ Łukašenka. — U hetym nie tolki my zacikaŭleny, ale i našy partniory».
