Kamentujučy vyniki Palityčnaj Rady abjadnanych demakratyčnych siłaŭ, Alaksandar Milinkievič padkreśliŭ hatovaść da kampramisu.
Pry hetym jon paćvierdziŭ svajo raniejšaje rašeńnie nia ŭdzielničać u Kanhresie demakratyčnych siłaŭ u siońniašnim farmacie: «Ja zdolny da kampramisaŭ, ale ŭdzieł u Kanhresie ŭ siońniašnim farmacie biessensoŭny».
Sp. Milinkievič paviedamiŭ, što prymie ŭdzieł u forumie ŭ vypadku, kali toj paspryjaje kansalidacyi. Razam z tym palityk padkreśliŭ, što Kanhres – nie samameta dziejnaści demakratyčnych siłaŭ Biełarusi. Zaraz demakratyčnyja siły pavinnyja skancentravacca na arhanizacyi śviatkavańnia Dnia Voli, padkreśliŭ jon.
Varta adznačyć, što Palityčnaja rada pryniała rašeńnie nie vynosić pytańnia pra liderstva na budučym Kanhresie.
