Daśledčyka stalinskich represijaŭ Ihar Kuźniacoŭ 22 lutaha paviedamiŭ, što milicyja admoviłasia ad raspačynańnia kryminalnaj spravy pa fakcie razbureńnia «łavy Klintana» ŭ Kurapatach.
Kuźniacoŭ atrymaŭ z Baraŭlanskaha adździełu milicyi piśmovy adkaz na svaju zajavu — «nie było ŭstanoŭlena dastatkovych źviestak, što ŭkazvajuć na prykmiety złačynstva», śćviardžajecca ŭ tym adkazie, a ŭ suviazi z hetym «ustanavić asobu, jakaja paškodziła memaryjalnuju łaŭku, a taksama śviedak taho, što zdaryłasia, nie ŭjaŭlajecca mahčymym».
Pavodle Kuźniacova, zaraz hramadzkaści biessensoŭna źviartacca ŭ milicyju pa pytańniach zabieśpiačeńnia ŭročyšča Kurapaty:
— Takim čynam, — dadaŭ jon, — vandały atrymali mahčymaść biespakarana ŭčyniać u Kurapatach lubyja pravaparušeńni i złačynstvy.
Kuźniacoŭ nahadaŭ taksama, što niekalki hadoŭ tamu ŭłady adkinuli taksama prapanovu hramadzkaści, jakaja prapanavała, što sama arhanizuje achovu ŭročyšča.
Memaryjalny znak u Kurapatach «Ad narodu Złučanych Štataŭ Ameryki narodu Biełarusi dziela pamiaci» ŭstanaviŭ u 1994 hodzie prezydent Bił Klintan — z taho času vandały apahańvali hety znak 11 razoŭ. Pravaachoŭnyja vorhany ni razu nia vyjavili złačyncaŭ.
Fota photo.bymedia.net