Biełaruś moža abmiežavać pastaŭki syru z Ukrainy pa prykładzie Rasii. Pra heta zajaviła žurnalistam pieršy namieśnik ministra sielskaj haspadarki i charčavańnia Biełarusi Nadzieja Katkaviec 8 lutaha ŭ Minsku.
Jak paviedamili rasijskija i ŭkrainskija ahienctvy sa spasyłkaj na kiraŭnika Rosspažyŭnahladu Hienadzia Aniščanku, z učarašniaha dnia ŭ Rasii ŭviedzieny zabarona na ŭvoz syroŭ niekatorych ukrainskich vytvorcaŭ. «Z aŭtorka miaža budzie dla ich zakrytaja», — zajaviŭ jon. U
«Nie vyklučana, što my padtrymajem rašeńnie rasijskich słužbaŭ abmiežavać uvoz syroŭ z Ukrainy na terytoryju Biełarusi», — skazała Katkaviec. Pavodle jaje słoŭ, najbližejšym časam adbudziecca narada biełaruskich vieterynarnych słužbaŭ, na jakoj budzie abmiarkoŭvacca heta pytańnie.