Natalla Pinčuk źbirajecca ŭ paniadziełak jechać u Žodzina, kab daviedacca, dzie jaje muž, pravaabaronca Aleś Bialacki.
Žančyna dahetul nie maje źviestak pra toje, ci adpravili jaje muža z žodzinskaha izalatara ŭ kałoniju dla adbyćcia pakarańnia.
Natalla Pinčuk:
«Zvaniła ja ŭ turmu adnosna taho, dzie znachodzicca zaraz Aleś, ale mnie skazali, što pa telefonie takich daviedak nie dajuć. Tamu daviadziecca mnie ŭ paniadziełak sabracca i pajechać tudy, kab pry sustrečy z načalstvam vyśvietlić situacyju».
Paśla taho jak u studzieni Minski haradski sud nie zadavoliŭ skarhu Alesia Bialackaha, i prysud pravaabaroncu ŭstupiŭ u siłu, jaho musiać pieravieści ŭ kałoniju. Pavodle kalehaŭ pravaabaroncy, heta pavinny byli zrabić da 10 lutaha. Pieraviali ci nie i kudy — pakul nie paviedamili ani piśmova, ani praz telefon.
0
0
0
0
0
0