Žurnalist «Hazety Vyborčaj», adzin ź lidaraŭ nie pryznavanaha ŭładami Sajuza palakaŭ Andrej Pačobut u papierach, prademanstravanych va ŭčorašnim filmie BT «Uroki polskaj», paznaŭ falšyŭki, jakija rassyłalisia ŭ polskija ŚMI hod tamu.
«Tam vielmi šmat rusizmaŭ, bačna, što pisaŭ čałaviek, dla jakoha polskaja mova niarodnaja.
Pa sutnaści, biełaruskija śpiecsłužby takim čynam chacieli vyklikać niejkuju niehatyŭnuju reakcyju ŭnutry Polščy, heta było skiravana pierš za ŭsio suprać MZS Polščy».
Ale tady ničoha nie vyjšła, hetyja materyjały apublikavaŭ tolki tydniovik «NIE», jaki taksama nie daŭ im viery. Ciapier ich znoŭ dastali.
«Ja dumaju, što tut palityčnaja pryčyna. Alaksandr Łukašenka pačynaje niejkuju čarhovuju hulniu z Zachadam i choča heta rabić pavodle svaich pravił. Ale žorstkaja pazicyja Polščy jamu pieraškadžaje ŭ hetym. Tamu hetyja miedyjnyja pravakacyi skiravanyja na toje, kab niejak padvažyć aŭtarytet Polščy padčas vypracoŭki taktyki i stratehii ES u dačynieńni da Biełarusi», — miarkuje Andrej Pačobut.
