Kot, jaki staŭ znakamity na ŭvieś śviet paśla taho, jak vybieh na pole «Enfiłda» padčas matču čempijanatu Anhlii «Livierpul» -- «Totenchem», trapiŭ u prytułak dla žyviołaŭ.
PA
Zaraz kot znachodzicca ŭ prytułku Freshfield Animal Rescue. Tudy jon trapiŭ paśla taho, jak niekalki čałaviek, jakija žyvuć niedaloka ad chatniaj areny «Livierpula», paviedamili abaroncam žyvioł pra jaho miescaznachodžańnie.
Kot, jakoha zaŭziatary adrazu paśla taho što adbyłosia, nazvali Kieni, u honar siońniašniaha hałoŭnaha treniera kłuba Kieni Dałhliša, znachodzicca ŭ prytułku ŭžo niekalki dzion. Jamu abstalavali admysłovy kut, upryhožyŭšy jaho simvolikaj miersisajdskaha kłuba, a taksama fatahrafijami znakamitaha zabiehu žyvioły.
Čakajecca, što kot, u jakoha dyjahnastavana infiekcyja i źniasileńnie, całkam akryjaje ciaham piaci-šaści tydniaŭ.
Toj matč skončyŭsia 0:0, a zabieh kata staŭ samym cikavym momantam hulni.
