Košty na niekatoryja charčovyja tavary ŭžo pierasiekli miažu ŭ 100 tysiač. Karespandent «Salidarnaści» vyśviatlała, za jaki nievialiki pakiet charčoŭ biełarusy mohuć addać miljon rubloŭ.
Z koštami ad sta tysiač i vyšej možna sutyknucca praktyčna ŭ luboj kramie. Pryčym, havorka idzie nie tolki pra impartnyja tavary, jakija ŭ zimovy pieryjad źjaŭlajucca ekzotykaj. Da prykładu, kiłahram ściahno jałavičyny ŭ «Karonie» kaštuje amal 115 tysiač.
Akazvajecca, navat farš siońnia moža być delikatesam. Asabliva, kali jon «Elitny». Za 107.000 za kiłahram.
Amataram kavy raim kuplać jaje ŭ aptovych kramach abo za miežami Siniavokaj. Handlovy dom «Na Niamizie» prapanuje raspuščalnuju kavu «Jacobs Monarch» (200 hr.) za 118 tysiač.
Chutka apuścieje kašalok u tych, chto sočyć za zdaroŭjem. Ceny na karysnyja dla arhanizma arechi ŭ minskim «Supierprodzie» padychodziać da adznaki ŭ 200-300 tysiač za kiłahram.
Słaniečnikavy alej — adzin z praduktaŭ pieršaj nieabchodnaści — kaštuje 13-25 tysiač za litr. A voś za 5-litrovuju «Rasijanku» ŭ CUMie daviadziecca vykłaści 114000.
... Ci aliŭkavy alej za 80-120 tysiač za litr u «Karonie».
U pieryjad lutaŭskich i sakavickich śviataŭ aktualnym padarunkam tradycyjna robiacca nabory cukierak. Kiłahram ajčynnaj «Kamunarki» abo «Spartaka» čaściakom kaštuje bolš, čym niekatoryja impartnyja prysmaki ...
Ceny na tamaty ŭ niekatorych kramach milhaciać raznastajnaściu: ad 27 tysiač za harodninu ad biełaruskaha vytvorcy da 190 tysiač za pamidory ź Niderdandaŭ.
A zaviaršaje sieryju fotafaktaŭ asiotr, vyhadavany ŭ Biełarusi. Za kiłahram žyvoj ryby prosiać 143000 rubloŭ.
