Novy pasoł Izraila ŭ Biełarusi Josif Šahał u intervju łukašenkaŭskamu kanału STV raspavioŭ, što słužyŭ kulamiotčykam ŭ Rahačoŭskaj dyvizii va Uruččy (Minski rajon), i navat atrymaŭ padčas słužby abmaražeńnie.
Z padačy niekatorych sajtaŭ pa internecie pajšło hulać, što pasoł uładalnik vysokatechnałahičnaha pradpryjemstva ŭ Biełaaziorsku pa vytvorčaści ryby (afrykanski karp). Jaho pradukcyjnaść — 700 ton ryby ŭ hod.
Adnak u tekście intervju pasoł havoryć pra toje, što heta izrailskaja inviestycyja, niama ni słova pra jahony ŭłasny biznes.
U intervju ambasadar raspavioŭ taksama, što razam z žonkaj zachaplajecca pryhažościu biełaruskich dziaŭčat.
«Jak skazaŭ adzin moj pryjaciel, jon razam išoŭ z tureckim dypłamatam, i toj jamu kaža „Niemahčyma! Tut takija pryhožyja dziaŭčaty. Ja ŭvieś čas adryvajusia ad pracy“. Jon kaža „Pasłuchaj, ja tut z žonkaj“. Toj skazaŭ „Spačuvaju“.
My tut z žonkaj, ale heta nie zaminaje mnie zachaplacca pryhažościu», — skazaŭ pasoł.
Pasoł Šahał vyklikaŭ skandał svajoj zajavaj, što nie viedaje, ci jość u Biełarusi palitviaźni.
U apošnim intervju jon taksama adviešvaje dvuchsensoŭnyja kamplimienty Łukašenku i pravaachoŭnym orhanam: «Ja lublu vielmi ludziej, jakija vykazvajuć svaje dumki, skažam tak, nieardynarna, niestandartna, niestereatypna».