Łukašenka vyzvaliŭ z pasady namieśnika ministra ŭnutranych spravaŭ — načalnika papiaredniaha rasśledavańnia Siarhieja Hurejeva.
Aficyjnaja traktoŭka —
«zvolnieny z orhanaŭ unutranych spraŭ u zapas Uzbrojenych Siłaŭ pa skaračeńni kolkaści abo štatu z pravam našeńnia ŭstanoŭlenaj formy adzieńnia i znakaŭ adroźnieńnia».
Taksama zvolnieny z orhanaŭ były načalnik minskaj milicyi Leanid Farmahiej, što apošnim časam vykładaŭ u akademii MUS. Pasady kiraŭnika hałoŭnaha ŭpraŭleńnia ŭnutranych spravaŭ Minskaha harvykankama Farmahiej pazbaviŭsia za nieefiektyŭnaje rasśledavańnie vybuchaŭ u Viciebsku i Minsku.
Što tyčycca Hurejeva, to naŭrad jahonaje zvalnieńnie možna ŭviazvać u šerah čystak u strukturach MUS. Najchutčej, prosta adpała patreba ŭ takoj pasadzie paśla źjaŭleńnia śledčaha kamiteta.
Nahadajem, što sioleta jašče dva namieśniki Anatola Kulašova byli vymušanyja zdać patrfieli.
Spačatku ŭ SIZA apynuŭsia Jaŭhien Połudzień. Jaho abvinavačvajuć u karupcyjnych złačynstvach. Paśla Aleha Piakarski zvolnili za ŭčynak, jaki «dyskredytuje zvańnie supracoŭnika milicyi». Praŭda, u turmu Piakarskaha nie pasadzili.
0
0
0
0
0
0