U sudzie nad Siarhiejem Kavalenkam prajšoŭ dopyt śviedak
Praciah u piatnicu a 10-j.
U Pieršamajskim sudzie Viciebska pa spravie apazicyjaniera Siarhieja Kavalenki 23 lutaha prajšoŭ dopyt śviedak. U jakaści śviedak dapytany čaćviora supracoŭnikaŭ milicyi, a taksama žonka aktyvista i jaho brat. Jašče adzin śviedka ŭ sud nie źjaviŭsia.
Žurnalistaŭ i prychilnikaŭ Kavalenki ŭ budynak suda nie puścili, i jany znachodzilisia na vulicy.
Svajaki Kavalenki znoŭ vyklikali ŭ sud bryhadu chutkaj dapamohi, adnak sudździa Alena Žuk nie dała mahčymaści miedykam ahledzieć Kavalenku, zajaviŭšy, što jana nie vyklikała chutkuju.
Nahadajem, aktyvist Kansiervatyŭna-chryścijanskaj partyi — BNF Siarhiej Kavalenka abvinavačvajecca va ŭchileńni ad adbyvańnia pakarańnia ŭ vyhladzie abmiežavańnia voli (art. 415 KK). Pavodle viersii abvinavačańnia, Kavalenka ŭčyniŭ čatyry parušeńni, adbyvajučy pakarańnie pa pryhavory suda Kastryčnickaha rajona Viciebska. U mai 2010 hoda hety sud pryhavaryŭ apazicyjaniera da troch hadoŭ pazbaŭleńnia voli ŭmoŭna za vyviešvańnie bieł-čyrvona-biełaha ściaha na hałoŭnaj jołcy Viciebska 7 studzienia. Kavalenku ŭtrymlivajuć u SIZA z 19 śniežnia minułaha hoda, jamu pahražaje da troch hadoŭ pazbaŭleńnia voli. U znak pratestu suprać zatrymańnia aktyvist KCHP-BNF abjaviŭ haładoŭku.
