U pracy damiennaj zony .BY adbylisia značnyja źmieny , paviedamili ŭ administracyi UP "Nadziejnyja prahramy" (tut.by, hoster.by).
Ciapier heta pradpryjemstva źjaŭlajecca techničnym administrataram nacyjanalnaj damiennaj zony Biełarusi. Źviestki rejestra miž "starym" (pradpryjemstva "Adkryty kantakt") i "novym" ("Nadziejnyja prahramy") techničnymi administratarami byli sinchranizavanyja —
damiennuju zonu .BY ciapier absłuhoŭvajuć sierviery hoster.by.
Adnačasova z zaviaršeńniem źmieny ŭstupili ŭ siłu novyja praviły rehistracyi damienaŭ u nacyjanalnaj damiennaj zonie.
Ciapier dla damienaŭ .BY zapracavaŭ WHOIS-servis, jaki dazvalaje pravieryć, ci volny damien, jaki cikavić. Admienieny i pieryjad biaspłatnaha 30-dzionnaha braniravańnia damiennych imionaŭ (hetym karystalisia kibierskvotary) i skasavanaja pracedura ŭchvaleńnia zajavak u Apieratyŭna-analityčnym centry pry prezidiencie Biełarusi (AAC), administratary nacyjanalnaj damiennaj zony .BY.
Mižnarodnaja asacyjacyja pa nadańni damiennych imionaŭ ICANN 7 lutaha ŭchvaliła kandydaturu UP "Nadziejnyja prahramy" ŭ jakaści techničnaha administratara zony .BY.Raniej "Nadziejnyja prahramy" vyjhrali adkryty konkurs pa techničnym administravańni nacyjanalnaj damiennaj zony.
UP "Nadziejnyja prahramy" (hoster.by) — najbujniejšy rehistratar damiennych imionaŭ u zonie .BY. Na momant pieradačy damiennoj zony praz hoster.by było zarehistravana 22246 damienaŭ .BY, "Adkryty kantakt" — 20329, "Aktyŭnyja technałohii" — 4502, "Ekstmiedyja" — 3188, "Dziełavaja sietka" — 281 damiennych imionaŭ. Pasłuhi rehistracyi damienaŭ u zonie .BY prapanujuć piać rehistrataraŭ, imi zarehistravana bolš za 51 tys. imionaŭ u nacyjanalnaj damiennaj zonie.
