U Minsku buduć stvoranyja sacyjalnyja apteki i sacyjalnyja pralni 1

Sacyjalnyja apteki i pralni płanujecca adkryć u Minsku pry terytaryjalnych centrach sacyjalnaha absłuhoŭvańnia nasielnictva.

Ab hetym paviedamiła siońnia na apieratyŭnaj naradzie ŭ harvykankamie staršynia kamiteta pa pracy, zaniataści i sacyjalnaj abaronie Minharvykankama Žanna Ramanovič.

Jak čakajecca, takija vidy sacyjalnych pasłuh buduć akazvacca minčanam z druhoha paŭhodździa.

Pieršaprachodcam stanie terytaryjalny centr Maskoŭskaha rajona.

Taksama ŭ stalicy na bazie damoŭ-internataŭ buduć adkryvacca pakoi sacyjalnaj pieradyški. Jany na płatnaj asnovie mohuć dać mahčymaść siemjam, jakija vychoŭvajuć dziaciej-invalidaŭ va ŭzroście da 18 hadoŭ, karotkaterminova (da miesiaca) źmiaścić dzicia-invalida ŭ stacyjanarnuju sacyjalnuju ŭstanovu. Takaja pasłuha daść mahčymaść baćkam adpačyć, padlačycca, zrabić ramont, vyrašyć inšyja prablemy paŭsiadzionnaha žyćcia.

Płanujecca ŭkaranić novyja formy raboty i z pažyłymi ludźmi. U płanach — adkryćcio adździaleńnia dzionnaha znachodžańnia dla hetaj katehoryi hramadzian, a taksama stvareńnie pryjomnych siemjaŭ dla starych. Atrymaje dalejšaje raźvićcio vałanciorski ruch «Pažyłyja — starym», u jakim užo zadziejničany amal 200 vałancioraŭ, na absłuhoŭvańni jakich znachodzicca 490 hramadzian.

***

Usiaho ŭ Minsku naličvajecca kala 19 tys. adzinokich i amal 35 tys. adzinoka pražyvajučych hramadzian. U stalicy pryniata prahrama raźvićcia sacyjalnaha absłuhoŭvańnia nasielnictva na 2011–2015 hady. Finansavańnie mierapryjemstvaŭ hetaj prahramy ŭ biahučym hodzie praduhledžana ŭ abjomie bolš jak Br110 młrd. Mierami sacyjalnaj padtrymki achopleny ciapier bolš jak 186 tys. čałaviek.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH