Zavod «Alivaryja» vyrašyŭ stvaryć muziej, dzie kožny achvotny zmoža daviedacca pra historyju napoja. Za pieršyja dva dni pracy muzieja, kiraŭnictva atrymała 60 zajavak na ekskursii.
Tut raspaviadajecca pra 150 hadoŭ historyi pradpryjemstva — upieršyniu brovar uźnik amal na hetym samym miescy ŭ 1864 h. Mienavita tady žycharka Minska Rochla Frumkina atrymała ad impieratara Alaksandra II dazvoł na zasnavańnie
Kažuć, stvareńnie brovaru žančynaj — vialikaja redkaść.
Sam budynak brovaru byŭ draŭlanym i znachodziŭsia na ciapierašniaj vulicy Bahdanoviča, i za hod pradukavaŭ 85 tysiačaŭ viodraŭ piva. Paśla byŭ pieradzieł brovaru naščadkami, kryminalnaja sprava i pieršy miedal — ad Vilenskaha skakavoha tavarystva.
«U ciapierašnim muziei visiać kopii tahačasnych dakumientaŭ, pavodle jakich udałosia adnavić pieršyja 30 hod pracy zavoda, — kaža śpiecyjalist zavoda Kaciaryna Ivanova. — I pieraŭtvareńnie jaho ŭ bolš mocny zavod „Bahiemija“, jaki ŭznačaliŭ hraf Karł Čapski».
Pakolki muziej uvachodzić u skład zavoda, niekatoryja rečy zachavać nie atrymałasia — napryład, nielha było pakinuć adkrytaj staradaŭniuju cehłu. Bolšaść ekspanataŭ muzieja adnosicca ŭsio ž taki da savieckaha času, adnak i ad papiaredniaha stahodździa
linija minskaj konki zakančvałasia za prachadnoj zavoda.
Praz historyju isnavańnia adnaho zavoda možna ŭbačyć historyju apošnich 150 hadoŭ: ad tabiela štrafaŭ dla pracoŭnych pačatku 20 st., da pieraŭtvareńnia padčas Druhoj suśvietnaj u niamiecki brovar (nadpis Minsk Bier na ścianie zachavany), da časoŭ savieckich, pra jakija krasamoŭniej za ŭsio raspaviadajuć aficyjnyja fatazdymki taho času z podpisami kštałtu
«Rydloŭščycy-saładoŭščycy Hmyza i Ivanova pieradajuć dośvied pierałapačvańnia soładu astatnim pracoŭnym».
Aproč taho ekskursija prachodzić praz cech, dzie niepasredna varycca siońniašniaja «Alivaryja», i skančvajecca ŭ admysłovaj zali, dzie pravodziać dehustacyi i pasiadžeńni. Hetaja zała znachodzicca ŭ tym samym pamiaškańni, dzie da niadaŭniaha času była piŭnaja ad zavoda, i miesca heta było choć i znakavaje, ale nie samaje biaśpiečnaje — tam źbirałasia ahromnistaja kolkaść ludziej, jakija lubili piva i mahli ŭžyvać jaho ŭ vialikich kolkaściach. «Mienavita praź ich davodzicca zakryvać muziej na zamok, — kaža śpiecyjalist zavoda Kaciaryna Ivanova, — jany ŭvieś čas imknucca trapić unutr. Zrazumieła, jany b vielmi chacieli b zrabić hetaje miesca iznoŭ „narodnym“. Adnak ciapier ža tut muziej».
Piać cikavych faktaŭ pra zavod «Alivaryja»
1. «Alivaryja» moža paspračacca z «
2. Naprykancy XIX st. isnavała praviła — kali pracoŭnym vydajuć piva, jaho treba vypić na terytoryi zavoda. Ciapier, zrazumieła, naadvarot.
3. Taksama da revalucyi na terytoryi zavoda znachodzilisia kvatery dla pracoŭnych, ale dzie mienavita jany znachodzilisia, pakul vyśvietlić nie atrymałasia.
4. Pry raźmiaščeńni siońniašnich piŭnych katłoŭ daviałosia źniać dach budynka — stary budynak maje vielmi vuzkija kalidory i nizkija stoli. Zatoje aŭtentyka budynku zachavałasia maksimalna.
5. Z 1864 pa siońniašni dzień praca zavoda ni razu nie pierapyniałasia.
