Paśla troch hadoŭ u Biełarusi brazilski płejmiejkier Rafaeł Ledesma viarnuŭsia ŭ litoŭskaje pieršynstvo, dzie budzie vystupać za «Suduvu» z Maryjampala.
Za tydzień da startu čarhovaha čempijanatu litoŭskaj lihi, A «Suduva» zrabiła znakavaje nabyćcio ŭ asobie brazilskaha paŭabaroncy Rafaeła Ledesmy.
Łacinaamierykaniec, jakomu ŭ kancy minułaha hoda spoŭniłasia 29 hadoŭ, vydatna zarekamiendavaŭ siabie ŭ čempijanacie Litvy ŭ składzie «Kaŭnasa». Paśla jon pierabraŭsia ŭ susiedniuju Biełaruś, dzie vystupaŭ za staličny «Partyzan», a minuły siezon pravioŭ u arendzie ŭ minskim «Dynama».
«Ja šukaŭ najlepšy varyjant dla siabie, i im stała «Suduva». Heta ambicyjny kłub z vydatnym trenieram i vydatnymi ŭmovami dla trenirovak,— rastłumačyŭ futbalist aficyjnamu sajtu kłuba. — Zrablu ŭsio, kab vyjhrać čempijonstva, i, dumaju, vyjhrać zołata całkam mahčyma».
U 2006 hodzie płejmiejkier pierajšoŭ z «Atletyka Miniejra» ŭ «Kaŭnas» i staŭ z časam adnym z najlepšych lehijanieraŭ u historyi čempijanatu Litvy. U 2007 h. Ledesma byŭ pryznany najlepšym hulcom hoda, pa vynikach jakoha abaraniŭ z «Kaŭnasam» čempijonski tytuł, a taksama siensacyjna adoleŭ «Rejndžers» u adboračnym raundzie Lihi čempijonaŭ UEFA.
Liha A startuje 10 sakavika, i ŭžo ŭ pieršym tury «Suduvu» čakaje surjoznaja pravierka matčam ź dziejučym čempijonam krainy paniaviežyskim «Ekranasam».
