Zbornaja Biełarusi apuściłałasia z 67-ha na 69-y radok u rejtynhu FIFA

Mižnarodnaja fiederacyja futboła (FIFA) 7 sakavika apublikavała čarhovy rejtynh nacyjanalnych zbornych. Biełaruskaja kamanda z momantu vychadu papiaredniaha rejtynhu (15 lutaha) praviała adzin matč.

Biełarusy zhulali ŭničyju ŭ tavaryskaj sustrečy z małdavanami (0:0). U novym rejtynhu zbornaja Biełarusi apuściłasia na dźvie pazicyi — z 67-ha na 69-y radok (490 ačkoŭ suprać 495 u lutym).

Najbližejšyja sparynhi padapiečnyja Hieorhija Kandraćjeva praviaduć u pačatku leta doma — 5 červienia suprać zbornaj Azierbajdžana i 8 červienia suprać kamandy Litvy.

Sapierniki biełaruskaj zbornaj pa adboračnym turniry čempijanatu śvietu 2014 hoda zajmajuć nastupnyja miescy:

Ispanija — 1-je (1.561 bał), Francyja — 16-je (938), Hruzija — 74-je (462), Finlandyja — 84-je (412).

U pieršuju dziasiatku suśvietnaha rejtynhu (akramia ispancaŭ) uvachodziać kamandy Hałandyi (1.379), Hiermanii (1.332), Uruhvaja (1.289), Brazilii (1.157), Anhlii (1.121), Partuhalii (1.106), Arhienciny (1.102), Italii (1.062) i Charvatyi (1.049).

Usiaho ŭ sakavicki rejtynh uvajšli 208 zbornych. Nastupnaja viersija śpisa budzie apublikavana 11 krasavika.

Alaksandr Vankovič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH