U vypadku vajennaha sutyknieńnia ź Iranam, ZŠA mohuć vykarystać novuju «supierzbroju», — pieradaje Reuters sa spasyłkaj na dakład
Hetaj zbrojaj stanie mahutnaja bomba vahoj u 13600 kh, zdolnaja prabić bunkier z taŭščynioj bietonu da 65 mietraŭ.
Karłajł zajaviŭ, što zbroja, jakoje vałodaje takoj vysokaj pranikalnaściu, trapiła ŭ arsienał amierykanskich VPS tolki letaś, raspracoŭvałasia jano admysłova dla ŭdaru pa krainach, jakija chavajuć svaje jadziernyja abjekty hłyboka pad ziamloj.
«Bomba z vysokaj pranikalnaściu — heta supierzbroja. My praciahvajem jaje ŭdaskanalvać. Kali budzie treba, my abaviazkova jaje vykarystajem», — skazaŭ Karłajł.
Ministr abarony Leon Paneta raspavioŭ u intervju National Journal, što ŭ vypadku naniasieńnia ŭdaru pa Iranie ZŠA dashianuć lepšych vynikaŭ, čym Izrail.
«Niama sumnievaŭ, što kali ŭvalim my, heta budzie macniejšy ŭdar», — zajaviŭ Panietta.
Pientahon i raniej nie vyklučaŭ mahčymaść naniasieńnia ŭdaru pa Iranu, kali sankcyi i dypłamatyja nie pryniasuć naležnych vynikaŭ.
Zachad i Izrail ličać, što Iran aktyŭna viadzie raspracoŭku jadziernaj zbroi. Tehieran admaŭlaje hetyja abvinavačvańni i nastojvaje na tym, što jaho jadziernaja prahrama nosić vyklučna mirny charaktar.
