U Biełarusi pačałosia vyvučeńnie druhoj placoŭki pad budaŭnictva AES. Ab hetym paviedamiŭ siońnia žurnalistam staršynia Prezidyuma Nacyjanalnaj akademii navuk Biełarusi Michaił Miaśnikovič.
Pavodle jaho infarmacyi, śpiecyjalisty pačali daśledavańnie druhoj placoŭki — Kukšynaŭskaj u Škłoŭska‑Horackim punkcie Mahiloŭskaj vobłaści. Nahadajem, što daśledavańnie Krasnapalanskaj placoŭki (taksama ŭ Mahiloŭskaj vobłaści) idzie ŭžo niekalki miesiacaŭ.
«Ciapier na druhoj placoŭcy iduć hieałahičnyja, siejśmičnyja, siejsmatektaničnyja pošuki, ustanaŭlivajecca masa datčykaŭ na pavierchni i na peŭnych hłybiniach», — skazaŭ Michaił Miaśnikovič. Dla praviadzieńnia rabot u adnoj z rasijskich kampanij uziata ŭ arendu buravaja ŭstanoŭka.
Michaił Miaśnikovič dadaŭ taksama, što termin praviadzieńnia papiarednich pošukaŭ składaje kala paŭhoda.
Jak paviedamlałasia BIEŁTA, u 2007 hodzie Biełaruś pavinna zaviaršyć tearetyčnyja pošuki i vybrać stratehičnaha partniora dla realizacyi prajekta, pačać pierahavory z pastaŭščykom technałohij i abstalavańnia. Praktyčnuju realizacyju prajekta budaŭnictva AES u Biełarusi namiečana pačać u 2008 hodzie.
Pieršy błok stancyi mahutnaściu 1 tys. miehavat płanujecca ŭvieści ŭ 2013‑2014 hadach.
